SUBASTA DO CARALLO

A SECCIÓN SINDICAL DE CCOO APOIA AO 110% A POSTURA DO COMITÉ DE EMPRESA NO COMUNICADO PUBLICADO HOXE MESMO ANTE A PROPOSTA DO MINISTERIO DE INDUSTRIA, ENERXÍA E SOBRE TODO TURISMO DE SÓ SACAR 8 BLOQUES DE 90MW A CONCURSO.

ÀNIMO E FORZA COMPAÑEIROS E COMPAÑEIRAS  !!!

VISITA DO NOVO PRESIDENTE DE ALCOA ESPAÑA & ACTIVIDADE PARLAMENTARIA

VISITA DO PRESIDENTE DE ALCOA ESPAÑA

O Comité de Empresa mantivo hoxe unha reunión coa Dirección e o novo Presidente de Alcoa España, Rúben Bartolome, esta reunión foi solicitada polo Comité de Empresa cando habían saído as datas da poxa para adxudicar os incentivos sobre o servizo de interrumpibilidade para o ano 2016.

Sobre a poxa que se vai realizar a partir do 31 de agosto, a empresa  non aportou información nova. Non se sabe polo de agora que demanda de bloques de 90MW vai haber e cal vai ser a oferta, pero vendo que nas bases do BOE se anuncian de 7 a 13 bloques de 90 MW,  esperan que se cubran ao 100% as necesidades da empresa.

Dende o Comité de Empresa pediuse que as fábricas da Coruña e Avilés fosen compensadas pola estratexia da empresa de cara a próxima poxa, pois durante o ano 2015 estaban a ter uns maiores custes eléctricos por mor dos erros na poxa do ano pasado. 

  

O Presidente incidiu moito sobre o gran problema da caída do mercado do aluminio achacando o mesmo a que produtores chinos están exportando metal sen control algún sumindo ao mercado nunha crise moi grande. Resaltou que hoxe mesmo o LME cotizábase por debaixo dos 1.500 dólares a tonelada, e que os premios baixaran uns 250$ do que marcaban a finais do ano pasado. Alertou que esta situación fai que mais da terceira parte das fábricas de Alcoa estean acumulando perdas e de seguir así Alcoa podería tomar decisións de cortes de produción e incluso peches.

O Comité de Empresa recriminou á Dirección o estado de abandono das instalación e a falta de inversións en momentos con bos resultados económicos que, ante circunstancias como estas, posibilitarían que os resultados non fosen tan negativos. 

INICIATIVA PARLAMENTARIA DO GRUPO DE ALTERNATIVA GALEGA DE ESQUERDA (AGE)

No día de hoxe a Deputada Yolanda Díaz, do grupo parlamentar de Alternativa Galega de Esquerda (AGE), presentou na cámara unha pregunta sobre a nosa fábrica para ser respondida oralmente no pleno.

MOBILIZACIÓNS

O PRÓXIMO VENRES 21 DE AGOSTO NON QUEDES ÁS ESCURAS...MANIFÉSTATE !!!

TRAE A TÚA CAMISETA LARANXA...AS VELAS PONAS O COMITÉ DE EMPRESA !!!