REFERENDO

O Referendo levado a cabo onte polo Comité de Empresa para consultar cos traballadores/as a última proposta de competitividade feita pola Dirección arroxou os seguintes resultados:

TOTAL VOTOS EMITIDOS 266
VOTOS SI (A FAVOR DA PROPOSTA) 178
VOTOS NON (EN CONTRA DA PROPOSTA) 75
VOTOS EN BRANCO 11
VOTOS NULOS 2


Antes de nada CCOO quere agradecer a todos os traballadores/as que participación no Referendo o compromiso mostrado polos problemas que afectan a nosa Fábrica e resaltar a boa participación, a orde, e respecto co que se levou a cabo este exercicio democrático.

Oxalá a consulta houbera que facela para decidir si aumentar o salario ou traballar menos, pero non é o caso. Tocaba decidir a opción menos mala para os traballadores implicados e a mellor para a viabilidade da Planta e o conxunto dos traballadores dentro da conxuntura actual: baixa competitividade da Fábrica, contrato enerxético por negociar e crise económica.


A CCOO non lle cabe dubida de que os traballadores souberon elixir apostando polo “SI” destacando os 103 votos de diferenza co “NON”. Queremos destacar esta diferenza para que quede claro que, aínda que non se contabilizaran os votos do colectivo PFD, o “SI” case duplicaría ó “NON” en votos. Xa que o porcentaxe de participación do colectivo PFD na totalidade de votos emitidos so foi do 14%.

Agradémosvos o apoio mostrado e manterémosvos informados.

ULTIMA OFERTA DE COMPETITIVIDADE

O Comité de Empresa entregou a todos os traballadores a última oferta de competitividade da Dirección, para que a coñezan e a valoren antes do referendo que o Comité convocou por unanimidade para o próximo 30 de Agosto.

CCOO valorou internamente esta última oferta, primeiro en reunión da Sección Sindical e logo en Asemblea de afiliados. O resultado global deste proceso interno é favorable a “esta” proposta, aínda que hai puntos como a mobilidade funcional cos que non estamos de acordo. De feito, témola denunciada no AGA e tamén na Inspección de Traballo, aínda así, seguimos negociando este punto conseguindo a non amortización nin externalización de ningunha praza de Mantemento mentres non se lles de opción de retorno a estes traballadores.

CCOO non pode, nin vai renunciar a 34 contratos indefinidos garantizados pola Dirección nos próximos 16 meses. Pódese facer a demagoxia que se queira con isto, ala cada quen. A realidade e que con esta proposta da Dirección todo o colectivo de traballadores contratado en Outubro 2009 (rearranque), máis todos os traballadores a día de hoxe que teñen un contrato de obra e servizo terán un contrato indefinido non máis ala do 31-12-2012 (34 en total, 16 como mínimo en 2011). CCOO segue apostando polo emprego, estable e de calidade o igual que en Marzo 2009, que se aguantou da contratación eventual aínda a base de facer mobilidades.

Non entendemos a postura da UGT neste proceso, están a cambiar o criterio dun día para outro, sen máis. Agora din que non lles vale esta proposta e piden “o non” no referendo, cando o 27 de Xullo, o seu representante pronunciouse dicindo que lle valía a oferta que había enriba da mesa (só 17 contratos de relevo), pero quería que o contrato de relevo llo deran preferentemente ós traballadores de obra e servizo os que lles ían rescindir o contrato. CCOO opúxose rotundamente a tal cousa, porque deixábase sen o contrato de relevo a máis da metade do colectivo contratado en Outubro 2009, para o cal existe un acordo firmado de preferencia na contratación polo anterior Director e anterior Presidente do Comité (24-03-10). ¿Por qué agora non valen 34 contratos indefinidos, será porque os conseguiu CCOO?. Están a facer política xogando cos postos de traballo dos eventuais. Visto isto, CCOO solicitará á Dirección que se graven as reunións para que ninguén eluda a súa responsabilidade e se aguante do que se di.

Á CIG non lle vale nada, nin lle valerá, pero xa o sabíamos antes de empezar as negociacións. A CIG está en plena campaña electoral a tres anos e medio do proceso. Andan todo o día con botes de fume nos petos para votarllo nos ollos os traballadores, buscando ós máis prexudicados por este proceso e largarlles o discurso doado aproveitándose da súa situación emocional. Puxeron unha denuncia na Inspección de Traballo pola contratación eventual, poñendo en risco a continuidade na Fábrica deste colectivo e tratando de abortar a última proposta da Dirección con 34 contratos indefinidos. A denuncia tería o mesmo efecto de poñela cando se rescindan os contratos. O facelo antes, en pleno proceso de negociación é expoñer ós traballadores eventuais a posibles represalias por parte da empresa.

O 19 de Agosto tamén tiñan na Inspección unha denuncia polos recoñecementos médicos. Aínda ven non empezada a reunión, o Xefe de EHS dixo que o problema da firma da cesión de datos a FREMAP estaba resolto facía varios meses e que os traballadores xa estaban a realizar o recoñecemento sen esixírselles ese requisito. Pois ben, o 22 de Agosto, a CIG publica no seu Blog “Parece mentira que despois de de máis de un ano de conflicto con este tema, teñamos (a CIG) que por unha denuncia na inspección de traballo e que se solucione nun momento o que era imposible de facer” ¿Cómo se pode mentir desta maneira? Isto é o que fai a CIG na Fábrica mentir e apropiarse do traballo dos demais. O problema resolveuno o Xefe de EHS conxuntamente con CCOO, que se puxeron en comunicación coa Axencia de Protección de Datos meses atrás para aclarar o mal entendido. Descubrindo finalmente que FREMAP estaba facendo unha sobre protección do seu sistema sen ser necesario. Xa o 7 de Xullo, o Xefe de EHS comunicou por correo interno ós Departamentos a solución do problema e que os traballadores xa podían realizar o recoñecemento da saúde sen ter que firmar a cesión dos seus datos.

Aclarados estes puntos, dicir por último que valoramos moi positivamente o avanzado nas negociacións ata agora e recordamos que parte da proposta inicial da Dirección é rescindir practicamente a contratación eventual na Fábrica, aparte de externalizar 17 postos de traballo na Fundición, e a iso dóeselle a volta. Coma xa dixemos CCOO aposta polo emprego, a última proposta ofrece emprego estable e de calidade, 34 postos de traballo indefinidos. Si a situación era mala de por si, hoxe o Consello de Ministros aprobou eliminar a obrigación de facer fixos ós traballadores que solapen contratos temporais. Por todo isto e porque non somos alleos a situación que está atravesando o pais. CCOO VOTARÁ SI NO REFERENDO.

¡¡¡XA ESTA BEN DE TANTA POLÍTICA E TANTA DEMAGOXÍA!!!

Compañeiros e Compañeiras CCOO pídevos que no referendo votedes SI.

¡¡¡VOTA UN “SI” POLO EMPREGO !!!

MESA DE COMPETITIVIDADE

Na reunión de hoxe a RD contestou a unha serie de puntos que o Comité de Empresa pediu aclarar despois da Asemblea do pasado 5 de Agosto.

Fixación de datas dos estudos de futuras inversións: O 28 de Outubro, é a data que a RD di que terá cerrados os estudos da enxeñaría da ampliación do forno na V-5 e da fabricación de Tochos a 7 metros de lonxitude.

Gas Natural: A RD informou que o 5 de Agosto, presentáronse no IDAE as solicitudes das subvencións correspondentes.

Baixas incentivadas a persoal de Convenio: A RD aclara que estas ofertas serán para persoal que non teña dereito ó Contrato de Relevo durante o 2011 e 2012.

Mobilidade Funcional firma de “Non conforme”: A RD comunica que a posteriori da firma de comunicacións de mobilidade abriu a posibilidade de que todo o persoal implicado que quixera firmar a comunicación como “non conforme”, o fixera, e que si alguén aínda quería facelo que podía.

Porcentaxe de eventualidade na Fábrica: A RD di que non fixará a futuro ningún porcentaxe de eventualidade na Fábrica, que o xestionaran como mellor poidan e que nos tempos que corren son das empresas que menos eventualidade xestionan.

Horas Extras: A RD di que estarán o ditado no Convenio Colectivo.

Aclarados estes puntos CCOO solicitou que constara na Acta do día o seguinte:

A Dirección quitou unha comunicación o 2 de Agosto dicindo que tiña un preacordo firmado coa RT, deixando entrever que era con CCOO. Esiximos que a Dirección publique na Fábrica tal preacordo e sexa lido nas charlas breves tal e como fixo co seu comunicado. Se non é así, porque resulta que non ten tal preacordo, esiximos que rectifique o dito na súa comunicación.

Na acta do día 27 de Xulio queremos que aparezan os pronunciamentos da UGT, e a posterior controversia xurdida con CCOO, por non aceptabamos que o Contrato de Relevo se ofertara preferentemente ós traballadores que saían, deixando sen el, a boa parte do colectivo contratado en Outubro 2009, moito máis antigo, esquecendo ademais o compromiso firmado de preferencia na contratación que teñen.

Que se faga acta da reunión do 29 de Xulio, xa que a UGT di que se levantou da mesa, para iso ten que haber reunión, e si hai reunión ten que facerse acta e recoller nela os feitos e motivos do levantamento e tamén queremos que conste a postura de CCOO.

Referente as negociacións CCOO comunicoulle a RD o seguinte:

Non é aceptable a Mobilidade Funcional en ningún posto de traballo mentres existan empresas externas que permanezan nos mesmos postos e servizos obxecto da mobilidade. Isto xa se mencionou na reunión do 27 de Xulio e por certo tampouco aparece na acta.

Seguimos mantendo que había un compromiso de levar a cabo unha proba de internalización de algún traballo e agora non se recoñece isto. Tamén se dixo na reunión do 27 de Xulio e tampouco aparece na acta.

Non admitiremos que ninguén do colectivo contratado en Outubro 2009, con un compromiso firmado de preferencia na contratación, se quede sen contrato de relevo ou indefinido. Ademais queremos que por esta reorganización, ós traballadores que se lles rescinda o contrato de obra/servizo e non sexan deste colectivo, se lles asegure un contrato de relevo ou indefinido.

Queremos que a empresa se comprometa a non amortizar ningunha praza na Fábrica que poida ser ocupada polo retorno de persoal obxecto da mobilidade funcional. Ademais queremos que non se amortice a praza de ferramentista que vai quedar vacante na Fundición, por considerala de vital importancia para o Departamento.

Queremos saber cantas baixas incentivadas voluntarias vai haber en persoal de Convenio, para saber a cantos traballadores finalmente vai afectar a rescisión de contratos. Queremos tamén que a Dirección faga un maior esforzo na negociación con outros centros para que os traballadores que pediron o traslado voluntario teñan mellores garantías.

A RD, dixo que estudarían o dito por CCOO e resto das Seccións Sindicais e que contestarían mañá no transcurso dunha nova reunión.

Seguiremos informando.

DIFAMAR, DIFAMAR… QUE ALGO A DE QUEDAR

Iso é o que están facendo os nosos compañeiros de reparto no Comité de Empresa (CIG & UGT) dicindo que CCOO ten un “preacordo” firmado coa Dirección sobre competitividade, e que íamos a asemblea para aprobado en votación. O promotor de todo isto é a Dirección que o 2 de Agosto, moi habilmente, quitou unha nota dicindo que na asemblea íase a votar un preacordo que tiña cunha parte da RT, contradicindo incluso a acta da reunión do 1 de Agosto (que está sen aprobar e firmar) “convocarase asemblea de traballadores para informar ós traballadores” e contradicindo tamén a orde do día da convocatoria da asemblea “situación do plan de competitividade”.

Ás demais centrais sindicais entraron o trapo desta infamia rapidamente, seguramente polas gañas que teñen de arremeter contra CCOO, xa que aínda non pasaron o trago dos resultados das últimas eleccións sindicais. Rebentaron a asemblea impedindo que os traballadores se informaran da situación actual das negociacións e non contentos con iso, agora están espallando distintos listados con nomes e apelidos, datas de nacemento e antiguedade pola Fábrica sen máis explicación, confundindo máis si cabe ós propios traballadores. Está visto que a Dirección finalmente está conseguindo o seu obxectivo de fracturar a unión amosada ata agora polo Comité de Empresa e que estaba a complicarlle os seus plans.

Queremos deixar claro que CCOO NON TEN NINGÚN PREACORDO, é máis, nin sequera se postulou en ningunha reunión aceptando o avanzado nas reunións ata agora, COUSA QUE “SI” FIXO ALGUNHA OUTRA SECCIÓNS SINDICAL. Nos non imos a dicir quen foi, non é o noso estilo “enmerdar” as cousas para tratar de quitar proveito, diso xa se encargan os demais, pero tempo o tempo, como di o refraneiro “pillase antes a un mentireiro que a un coxo”. O que si queremos, é que a Dirección ou calquera que di que temos un preacordo firmado, que o publique na Fábrica, xa que de non ser así, temos que dicir que os nosos servizos xurídicos están estudando os feitos para interpoñer a correspondente demanda por difamación e calumnias.

O 8 de Agosto, a CIG publicou na súa paxina Web, que na asemblea íase a votar un “suposto” preacordo que CCOO tiña coa Dirección. Esperemos que o acusar publicamente a alguén de suposto autor dunha irregularidade ou delito, sen habelo, non sexa un delito en si, porque si é así, os nosos servizos xurídicos terán un pouquiño máis de traballo. Non entendemos como tres días antes da asemblea a CIG publica na Web, que a asemblea é (palabras textuais): “para expoñer a proposta que presentou a Empresa para sometela en referendo”. O que máis nos estraña, e que xunto coa Dirección sexan os únicos que falan (ese mesmo día), de votacións e referendos na asemblea, contradicindo o que pon a orde do día da convocatoria da asemblea e a acta do 1 de Agosto. Temos claro que non se pode enganar a xente toda a vida e a verdade, tarde máis ou menos, sairá a luz e poñerá a cada quen no seu lugar.

É verdade que a CIG se levantou da mesa o 27 de xulio, pero tamén é verdade que lle faltou tempo para ir ó día seguinte a pedir desculpas a Dirección por este feito e a comprometerse a seguir acudindo ás reunións, de feito estivo de novo presente na reunión do 1 de Agosto, onde entre outros puntos trataronse os da mobilidade e a rescisión de contratos.

O que dende logo non imos admitir é que se diga agora que a UGT se levantou da mesa, porque non estaba de acordo co plantexado pola Dirección, ISO NON É VERDADE. A UGT levantouse da mesa porque CCOO non admitiu a súa proposta de que o contrato de relevo se lle dera preferentemente ós traballadores que lle ían rescindir o contrato temporal de obra e servizo. CCOO negouse rotundamente a isto, manifestando que xamais aceptarían que o contrato de relevo se executara sen ser por orde de entrada na empresa. Esta é unha reivindicación do Comité de Empresa que xa pasou pola Comisión de Interpretación e Vixilancia o 28 marzo, e está pendente de meter no xulgado despois de renunciar a Empresa á mediación do AGA. Esta é unha das razóns. Outra é,que existe un acta firmada (24.03.10) polo anterior Presidente do Comité e o anterior Xefe de planta onde se recoñece un dereito preferente de contratación por calquera motivo ó colectivo contratado en outubro 2009 polo rearranque. A proposta da UGT deixaría fora do contrato de relevo o persoal máis antigo deste colectivo ofertando ese contrato a persoal que entrou posteriormente.

Agora empezamos a entender porque na anterior lexislatura mentres os traballadores contratados en outubro 2009 quedaban nas súas casas, ós traballadores contratados posteriormente para cubrir vacacións sen compromiso de continuidade algún, continuaban traballando.

O próximo martes 16 de Agosto, a Dirección convocou unha nova reunión da Mesa de Competitividade. CCOO acudirá a esta cita, pero que quede claro que esta Sección Sindical non ten ningunha atadura con ninguén, o único que nos move é o compromiso cos traballadores.

Seguiremos Informando.

ASEMBLEA XERAL DE TRABALLADORES

QUE NINGUEN DECIDA POR TI O TEU FUTURO !!!
PARTICIPA NA ASEMBLEA !!!

MESA DE COMPETITIVIDADE

Hoxe celebrouse a reunión da Mesa de Competitividade aprazada o pasado venres. A Representación da Dirección despois de facer balance da situación das negociacións e contestar ás aclaracións pedidas pola Representación dos Traballadores, dixo que elaboraría un documento a modo de preacordo recollendo todo o avanzado nas negociacións ata agora, máis as distintas cláusulas que se deberían de aplicar en calquera caso.

A Representación dos Traballadores contestou que non recoñecía ningún preacordo, en todo caso, o avanzado sería presentado ós traballadores da Fábrica, en Asemblea Xeral, e serían os propios traballadores os que decidirían si o mesmo alcanzaba o mínimo necesario para ser aprobado.

Rematada a reunión o Comité de Empresa convocou unha Asemblea Xeral por este motivo para o próximo venres 5 de Agosto, en horarios de 10 da mañá e 4 da tarde.

Seguiremos informando.