POLO EMPREGO E A XUSTIZA SOCIAL !!!!

NON PODES FALTAR !!!!

CONCENTRACIÓN NA DELEGACIÓN DO GOBERNO DA CORUÑA

O PRÓXIMO MÉRCORES 29 DE FEBREIRO ÁS 20:00 HORAS

ASEMBLEA DE TRABALLADORES

Hoxe en Asemblea Xeral os traballadores e traballadoras da Fábrica decidiron aceptar o preacordo sobre o E.R.T.E. alcanzado en Madrid o pasado xoves 16 de febreiro. O resultado foi o seguinte:

Votos SI a favor do preacordo………………. 222
Votos NO en contra do preacordo…………… 35
Votos en BRANCOS…………………………….19
TOTAL VOTOS EMITIDOS…………..............276

CCOO o igual que UGT e APC defendeu o “SI” como a opción menos lesiva para os traballadores e traballadoras dentro da crítica situación que estamos atravesando nestes momentos. De non aceptar o preacordado, a situación que de por si é mala, veríase agravada pola alternativa de que dispón a empresa na nova reforma laboral do pasado 10 de febreiro.

Esta ratificación ó preacordo é dar máis posibilidades para a volta a normalidade. Por outro lado, é un paso máis na loita para a viabilidade da Fábrica, pois agora temos que continuar coas mobilizacións ata alcanzar un acordo no contrato da electricidade, cando iso este feito temos que presionar a empresa para o rearranque das cubas e a mellora das instalacións.

Gracias a todos e a todas volo voso apoio en todas as mobilizacións plantexadas ata agora polo Comité de Empresa. Esta loita só acaba de empezar e prevese dura e longa, pero estamos convencidos que todos e todas xuntos conseguiremos o noso obxectivo.

¡ALCOA INESPAL, A LOITA CONTINUA….!

¡¡¡¡ NON Á REFORMA LABORAL !!!!

ESTE DOMINDO ÁS 12 DA MAÑÁ NA PRAZA DA PALLOZA TOD@S CONTRA A REFORMA LABORAL

O COMITÉ DE EMPRESA E OS TRABALLADORES DA FÁBRICA DE ALCOA ESTAREMOS ALÍ COA NOSA PANCARTA NA DEFENSA DOS NOSOS DEREITOS

























¡¡¡¡ ÚNETE A NOS DEFENDE OS TEUS DEREITOS !!!!

O PRÓXIMO XOVES MANIFESTACIÓN !!!!!

REUNIÓN E.R.E

NOTA INFORMATIVA DO COMITÉ DE EMPRESA:

Na reunión de onte en Madrid a empresa informou que o E.R.E sería presentado hoxe no Ministerio de Traballo. Cumprindo cos requisitos legais a Dirección de Alcoa entregou a Memoria Explicativa do E.R.E á Representación dos Traballadores.

Ante as reclamacións da RT a Dirección acepta que as vacacións sexan as de un ano normal de traballo, pero coa condición de disfrutalas antes de incorporarse ó E.R.E. Con isto reduciríase o tempo máximo de permanencia no paro nun mes. Ademais este tempo veríase reducido polas baixas incentivadas, traslado a outros centros …. A RT di que a formación debe de darse en tempo de traballo (fora do E.R.E). A Dirección di estar disposta a garantir o complemento ó 100% os días de formación, pero ten que ser durante o tempo de E.R.E.

A Dirección de Alcoa di que as plantas teñen que aproveitar o E.R.E para facerse máis competitivas; máis toneladas con menos xente, menos quilovatios por tonelada e maior eficiencia. A RT solicita unha vez máis un Plan Estratéxico avalado polo Presidente de Alcoa España coas inversións necesarias para que as plantas sexan máis competitivas. A Dirección di que solicitarán esas inversións, pero teñen o hándicap de que o retorno do invertido ten que ser en menos dun ano ó non haber aínda un contrato de enerxía estable. A RT di que o Plan Estratéxico pode ligarse a esa renovación do contrato enerxético. Ademais este Plan debe de recoller garantías de que este proceso non rematará nun novo E.R.E de extinción de contratos.

A RT pediu información do impacto da redución de produción nas compañías externas. A Dirección dixo que estudarán posibles internalizacións e axustaranse os traballos segundo as necesidades.

Por último a Dirección de Alcoa informou que a partir deste momento ábrese o período de consultas (15 días) e que as próximas reunións (ata o próximo mércores) serán nas plantas para negociar os aspectos organizativos, logo as reunións levaranse a cabo conxuntamente entre as dúas plantas para negociar o impacto económico.

ÚLTIMA REUNIÓN COA DIRECCIÓN

NOTA INFORMATIVA DO COMITÉ DE EMPRESA

A Representación do Comité nas negociacións do E.R.E tivo onte unha nova reunión na Fábrica coa Dirección.

Nesta reunión a Dirección dixo que dispoñía de 15 prazas para os traslados a Fábrica de San Cibrao o igual que Avilés e que o persoal trasladado finalizaría a súa relación laboral na Coruña (sen indemnización algunha) causando alta en San Cibrao por medio dun Contrato de Relevo (indefinido) percibindo as condicións económicas do posto de traballo a desenvolver. Tamén explicou que o traslado de persoal técnico a fábricas europeas quedaba supeditado á necesidade de cubrir algunha praza nos proxectos das mesmas.

Sobre os períodos de rotación no E.R.E, a Dirección afirma que o mellor son períodos de 3 meses (9 ciclos de traballo a turnos). A RT non está de acordo con esta rotación, pois considera que é moito tempo desvinculado do posto de traballo e pode traer problemas de seguridade na incorporación en algúns casos.

A Dirección di estar de acordo na prohibición das horas extra durante a aplicación do E.R.E, salvo emerxencias. A RT di que as emerxencias teñen que quedar previstas no cálculo do persoal co que se quere traballar durante o E.R.E e solicita que se lle entregue un organigrama de funcionamento para detectar posibles complicacións. Ademais pide revisar e reforzar Departamentos habituais na realización de horas extra, como: contabilidade, PCS, expedicións, mantemento….

Durante a parada de produción, a Dirección non considera necesario incrementar máis persoal para dar formación, pois din habelo tido en conta nos seus cálculos. Por outro lado, seguen insistindo en dar 30 horas de formación de EHS a os traballadores regulados. A RT non esta de acordo con este punto e solicita que esta formación se dea nos meses de traballo e insiste en que se entregue o organigrama de funcionamento.

MOBILIZACIÓNS PARA ESTA SEMANA