MOBILIZACIÓNS !!!!

A CONCENTRACIÓN de hoxe fronte a Gas Natural Fenosa levouse a cabo sen incidentes, durante a mesma realizouse un corte de trafico no ramal de incorporación á Av. De Arteixo.

Para unha Fábrica como a nosa, onde boa parte do plantel esta a xornada e a outra parte a quendas de traballo e todo un reto realizar con éxito unha mobilización en horario de oficinas. Os traballadores e traballadoras de Alcoa da Coruña demostraron hoxe, unha vez máis, a súa gran determinación e firmeza na defensa do mantemento da actividade da Fábrica. 

Dende CCOO queremos agradecer a todos os compañeiros e compañeiras o apoio dado nesta nova mobilización.

Dende esta Sección Sindical de CCOO  de Alcoa solicitamos a participación de todos os traballadores e traballadoras da Fábrica da Coruña nas próximas manifestacións  que os sindicatos de CCOO e UGT teñen convocadas.  As manifestacións sairán dende a Praza da Palloza ás12:00 da mañá o próximo domingo 29 de Abril e o vindeiro 1 de Maio.

Estes son momento especialmente difíciles para os traballadores e traballadoras do pais. O Goberno está aproveitando a crise para arremeter contra as coberturas sociais da poboación,  esnaquizando o mesmo tempo os dereitos dos traballadores e traballadoras e NON PODEMOS CONSENTILO. O 29 de Abril e o 1 de Maio ALCOA estará nas manifestacións da Palloza, ESPERÁMOSTE.

¡¡¡¡ MOBILIZATE !!!!

¡¡¡¡DEFENTE OS TEUS DEREITOS !!!!

COMISIÓN DE SEGUIMENTO DO E.R.T.E

Na reunión de hoxe a Dirección informou que o próximo luns levaríase a cabo o primeiro dos traslados definitivos (persoal de Convenio) á Fábrica de San Cibrao. Ese mesmo día, o resto dos solicitantes de traslado realizaran unha entrevista con responsables da Fábrica de San Cibrao.

A Dirección entregou o listado do segundo grupo do E.R.T.E para que sexa revisado pola Representación dos Traballadores (RT) segundo os criterios establecidos (os mesmos do 1º grupo) antes de publicalos na Fábrica e comunicarllo aos traballadores afectados. Este segundo grupo esta composto por 49 traballadores, que o igual co primeiro grupo, primeiro iran de vacacións e de seguido continuaran coa suspensión de contrato.

A RT solicitou o calendario para o resto da plantilla. A Dirección comprometeuse a entregalo o antes posible, solicitando o mesmo tempo da RT o compromiso de que sería un calendario teórico e suxeito a posibles cambios segundo a evolución da situación prevista. A Comisión quedou en rematar o Plan Estratéxico da Fábrica nunha próxima reunión, para sexa avalado pola firma do Presidente de Alcoa España, tal e como se había acordado no peche da negociación do E.R.T.E.

A Dirección informou que durante o primeiro trimestre do ano A Coruña acumulara perdas, mentres Alcoa a nivel mundial tivera uns beneficios de 94 millóns de dólares. As previsións da Dirección para a Coruña no segundo trimestre, son moito mellores, a pesar de que o LME esta baixando. Segundo a Dirección isto é devido á redución de custes polas accións que se están acometendo que fan que nestes momentos xa nos sexamos os últimos no ranking das Fábricas de Alcoa.

A RT solicitou a Dirección información sobre a negociación do contrato de enerxía. A Dirección dixo que Alcoa non dera información o respecto. A RT solicitou que nunha próxima reunión se invitara a o responsable do apartado de enerxía de Alcoa, para informar a Comisión do estado das negociacións.

Isto foi o que dou de si a reunión de hoxe. Antes de terminar recordarvos a todos e a todas que o próximo luns 23 de Abril, ás 10:50 da maña, realizarase unha CONCENTRACIÓN DE TRABALLADORES diante das oficinas de GAS NATURAL FENOSA, na Avenida de Arteixo (onde teñen o Museo). Esta medida de presión e para demandar un acordo satisfactorio para Alcoa na renovación do contrato de enerxía e para demandar unha tarifa eléctrica competitiva.

Este acto durará aproximadamente media hora e realizase en horario de oficinas porque doutro xeito non tería sentido. Por iso é necesario a participación de todos e todas os que esteades libres ou en suspensión de contrato.

¡¡¡ LOITA POLO TEU FUTURO !!!

¡¡¡ NON TE QUEDES PARADO !!!

¡¡¡¡ MOBILIZACIÓNS !!!!

O Comité de Empresa convocou unha CONCENTRACIÓN de traballadores de Alcoa diante das instalacións de GAS NATURAL FENOSA (Av. De Arteixo), para o próximo luns 23 de Abril, ás 10:50 da mañá. Esta nova mobilización, agora ante o actual suministrador de enerxía eléctrica da Fábrica, é para demandar unha tarifa eléctrica competitiva para a Fabrica de Alcoa e un contrato de enerxía, a medio, longo prazo, a semellanza dos que dispón Alcoa noutros países europeos.

Dende CCOO pedimos a túa participación neste acto para reclamar unha solución que garante o mantemento da actividade da Fábrica de Aluminios de Alcoa da Coruña.

¡¡¡¡ GRACIAS POLO TEU APOIO !!!!
¡¡¡¡ MOBILIZATE, NON TE QUEDES “PARADO”!!!!