¡¡¡¡¡ MANIFESTACIÓN !!!!!

O PRÓXIMO VENRES 3 DE FEBREIRO O COMITÉ DE EMPRESA CONVOCOU UNHA
MANIFESTACIÓN PARA DEIXARLLE CLARO A ALCOA QUE NON PERMITIREMOS O PECHE DA PLANTA. E PARA MENTALIZAR AS AUTORIDADES DA NECESIDADE DUN CONTRATO DE ENERXÍA QUE GARANTICE A VIABILIDADE DA MESMA.

A SAÍDA SERA ÁS 20 HORAS DENDE A PRAZA DA PALLOZA ATA A DELEGACIÓN DO GOBERNO.


COMPAÑEIRAS E COMPAÑEIROS CHEGOU A HORA DE VOTARSE A RUA PARA DEFENDER O NOSO FUTURO. SABEMOS QUE NON FALLARAS NESTE MOMENTO TAN CRÍTICO E CONTAMOS COA TUA PRESENZA. FALA CON TODA A XENTE QUE COÑEZAS E DILLE QUE NECESITAMOS O SEU APOIO E QUE TE ACOMPAÑE A MANIFESTACIÓN.

GRAZAS DE ANTEMAN, ESPERAMOS VERTE NA CONCENTRACIÓN DO PRÓXIMO XOVES NA ENTRADA Á FÁBRICA DE 13 A 14 HORAS.

!!!! ALCOA ESCOITA A CORUÑA ESTA EN LOITA ¡¡¡¡

REUNIÓN CON DIRECCIÓN (E.R.E)

COMUNICADO DO COMITÉ DE EMPRESA

A Dirección e a Representación do Comité nas negociacións do E.R.E en Madrid tivemos unha nova reunión hoxe na Fábrica.

A Dirección en principio informou que no caso de que o E.R.E non fose aceptado pola autoridade laboral o recorte de produción de 45.000Tm levaríase a cabo igualmente, engadindo que isto empeoraría a situación actual da Fábrica ó incrementarse os custes pola parada. A RT díxolle á Dirección que o recorte de produción a base de E.R.E tamén incrementaban os custes por tonelada producida, por mor dos custes fixos.

Seguidamente a Dirección en base a súa proposta de parada da Serie 1 e a aplicación do E.R.E a 210 traballadores entrou a detallar os postos de traballo que quedarían cubertos en cada Departamento. Ademais disto a Dirección propuxo outra serie de medidas que a continuación detallamos:

o Períodos rotativos de 180 días de E.R.E para os traballadores implicados.
o Desfrute das vacacións devengadas antes de entrar no E.R.E.
o No realizar novas contratacións no Contrato de Relevo (aplicar o 2X1).
o Posibilidade de traslados a San Cibrao para persoal obreiro (sen retorno).
o Posibilidade de traslados a fábricas europeas a persoal técnico (con retorno).
o 30 horas de formación en EHS a persoal regulado polo E.R.E.
o Externalización do comedor social no mes de Marzo.

A RT calificou a proposta da Dirección de DISCRIMINATORIA e INACEPTABLE e así se lle fixo saber. A Dirección solicitou unha contra oferta por parte da RT. A RT dixo que non faría ningunha oferta, nin entraría nos detalles da presentada pola Dirección mentres non se asegurase que o E.R.E sería de aplicación o 100% da plantilla e se presentase un plan de retorno a normalidade (arrancar cubas). Dito isto, a RT dou por terminada a reunión advertíndolle á Dirección que mentres non foran capaces de dar unha resposta afirmativa a estas dúas cuestións non volverían a sentar con eles nin en Madrid, nin na Coruña. Por último informámosvos que retomamos a concentración do xoves día 2 de Febreiro na entrada a Fábrica de 13 a 14 horas.

O COMITÉ DE EMPRESA

Seguiremos informando.

REUNIÓN CON CAYO LARA

(NOTA DE PRENSA)

A Sección Sindical Intercentros de CCOO en Alcoa traslada ao grupo parlamentario de Esquerda Unida a súa preocupación ante o recorte na produción

Varios representantes de CCOO en Alcoa España reuníronse onte con Cayo Lara, coordinador de Esquerda Unida, para pedirlle o apoio do seu grupo parlamentario

A Federación de Industria de CCOO non se vaI quedar parada ante o recorte da produción anunciada hai unhas semanas pola multinacional Alcoa, que afectará gravemente ás plantas de Avilés e A Coruña. Onte, a Sección Sindical Intercentros de CCOO na empresa reuniuse con Cayo Lara, coordinador federal de Esquerda Unida, para trasmitirle a preocupación dos traballadores e pedirlle o seu apoio para trasladar as súas reivindicacións no Congreso.

27 de xaneiro de 2012

Cayo Lara, coordinador federal de Esquerda Unida, puxo onte a disposición dos traballadores de Alcoa o seu grupo parlamentario para trasladar no Congreso a súa problemática ante o anuncio da multinacional do aluminio de reducir a súa produción de primario en España e abrir un Expediente de Regulación de Emprego Temporal nas plantas da Coruña e Avilés dun ano de duración.

Este compromiso produciuse despois de que a Sección Sindical Intercentros de CCOO en Alcoa se reunise con Lara, a quen trasladou a súa preocupación por que a verdadeira intención da empresa sexa debilitar as súas plantas de Avilés e A Coruña para despois deslocalizar a produción a outros países con menores custos enerxéticos e unha lexislación máis permisiva en canto á emisión de CO2. Neste sentido, os representantes de CCOO solicitaron ao coordinador de Esquerda Unida que interrogase os membros do Congreso sobre que tipo de modelo produtivo queren para o noso país.

O temor dos traballadores de Alcoa é que, tras deter o 50% da produción na planta da Coruña e Avilés, a empresa non volva poñer en marcha as cubas detidas, xa que é un proceso moi custoso e sobre o cal, de momento, a multinacional non quixo comprometerse na mesa negociadora aberta tras o anuncio do ERE.
Neste sentido, CCOO esixe que a planta poña enriba da mesa o plan de futuro que ten para España, ante o temor de que esta diminución da produción sexa tan só a antesala dunha deslocalización.

A planta de Alcoa na Coruña conta con 420 traballadores en activo, dos cales 210 veríanse afectados polo ERE; en Avilés, os afectados serían 156, tamén o 50% do equipo. En total, en toda España as cinco fábricas do xigante do aluminio contan cun equipo de case 3.000 persoas e ata agora achegaron beneficios, a pesar de que a empresa estimase perdas para 2012.

A reunión con Cayo Lara é só un primeiro paso dentro das accións que a Sección Sindical Intercentros ten previsto realizar nas próximas semanas para esixir a Alcoa unha postura clara respecto aos seus plans de futuro en España e o compromiso de que as plantas da Coruña e Avilés van volver a estar a pleno rendemento dentro dun ano, se finalmente se chegase a un acordo no ERE.

Seguiremos informando

NOTA INFORMATIVA DO COMITÉ DE EMPRESA

Hoxe a Dirección e a representación do Comité de Empresa que está negociando en Madrid levou a cabo a reunión prevista para tratar de chegar a un acordo sobre como se debería de facer o recorte de produción na Fábrica.

Pola mañá a Dirección sen aportar ningún dato mantivo a súa postura de facer o recorte parando so a Serie 1. A Representación dos Traballadores propuxo outras alternativas; repartir o recorte nas dúas Series, parar as cubas en peor estado e baixar intensidade, ou alternar estas dúas posibilidades. Ademais solicitou á Dirección que aportara datos sobre o aforro en custes da súa proposta e os contrastara coas propostas da RT e presentara tamén un plan de acción a levar a cabo nas instalacións antes de paralas, durante a parada e no rearranque.

Pola tarde a Dirección presentou unha comparativa entre a súa proposta e a de parar a segunda metade de cada Serie. A proposta da Dirección saía claramente máis favorable no aforro en custes con 1.1M/€. Seguidamente a Dirección presentou un plan de acción para levar a cabo no caso de parar a Serie 1, con traballos de mantemento e melloras a realizar antes da parada, durante a parada e no arranque, comprometéndose a que serían realizados polos traballadores de plantilla e a plasmalo por escrito.

A próxima reunión celebrarase en Madrid o próximo xoves onde a Dirección presentará o seu plan de parada e o compromiso adquirido coa RT.

Entre a reunión da mañá e da tarde unha representación do Comité de Empresa foi recibida no Concello da Coruña polo Alcalde Carlos Negreira o cal se interesou pola situación da Fábrica comprometéndose a transmitir o dito pola RT á Xunta de Galicia e Goberno Central.

A RT tamén mantivo onte unha entrevista co Senador Javier Losada ex-alcalde da Coruña no mesmos termos.

La sección sindical intercentros de CCOO en Alcoa se solidariza con los compañeros de Avilés y A Coruña e insta a la empresa a realizar las gestiones oportunas para evitar el ERE

La sección sindical intercentros de CCOO en Alcoa muestra su apoyo y solidaridad a los trabajadores y las trabajadoras de los centros de Avilés y A Coruña. Manifiesta su desacuerdo con la intención de la dirección de redudir la producción en 90.000 toneladas entre las dos plantas y aplicar un expediente de regulación de empleo (ERE) temporal de un año de duración.

La empresa justifica esta decisión en las incertidumbres que pesan sobre la posibilidad de conseguir futuros contratos de suministro de energía para el sector del aluminio a un nivel competitivo, así como en el alto coste de las materias primas y en la bajada del valor del aluminio en la bolsa de Londres (LME). Cuestiones que para este sindicato son ajenas a los trabajadores y trabajadoras.

Por eso, la sección sindical intercentros de CCOO en Alcoa insta a la dirección central de Alcoa a realizar las gestiones necesarias: negociar nuevas tarifas eléctricas, mejorar la rentabilidad del aluminio primario en los centros de Avilés y A Coruña y alcanzar los acuerdos necesarios para que su producción siga siendo competitiva en los mercados sin necesidad de tener que presentar un expediente de regulación de empleo.

Esta sección sindical intercentros se reserva la puesta en marcha de todas aquellas acciones encaminadas a garantizar la continuidad de los centros de trabajo y el mantenimiento de las plantillas. Como primera opción, está dispuesta a negociar con la dirección de Alcoa una salida conjunta para el sector en España.

CCOO también aprovecha este comunicado para mostrar su apoyo a los trabajadores y trabajadoras del centro que Alcoa tiene en Portovesme (Italia), tras conocer la decisión de la dirección de cerrar esta fábrica de primario. Insta al comité de empresa europeo de Alcoa a tomar las medidas oportunas que hagan viable este centro.

REUNIÓN CONXUNTA AVILÉS & CORUÑA

COMUNICACIÓN DO COMITÉ DE EMPRESA DESPOIS DA 1ª REUNIÓN EN MADRID PARA TRATAR CONXUNTAMENTE CON AVILÉS O RECORTE DE PRODUCCIÓN ANUNCIADO DE 90.000 TONELADAS PARA AS DÚAS PLANTAS E A PRESENTACIÓN DUN E.R.E TEMPORAL.

O Presidente de Alcoa en España José Ramón Camino informou a os presentes que Alcoa presentará o E.R.E temporal nas dúas Fábricas de Avilés e A Coruña a máis tardar a finais deste mes de xaneiro, dando de prazo ata daquela para informar a os Sindicatos das dúas plantas e poder chegar a algún entendemento para cando o presenten no Ministerio de Traballo. A Representación dos Traballadores (RT) recriminoulle á Dirección que tivera tanta presa por presentar o E.R.E xa que non deixaban tempo para traballar e presionar ás distintas administracións na procura de solucións.

A Dirección di que os seis meses de execución dos que nun principio falaran eran para Portovesme, xustificando que isto era por tratarse dun peche definitivo da planta e que a redución da Coruña e Avilés tiñan que facela canto antes para reducir as perdas, previstas para o 2012 de 30 millóns de Euros á metade.
A preguntas da RT sobre cal sería o punto de retorno a normalidade no caso de aplicarse a redución, a Dirección non quixo ou non soubo dicir cal sería esa situación; mellora de prezo LME, baixada prezo materias primas, custe da enerxía e renovación do contrato a medio longo prazo, etc.

Compañeiros/as nesta primeira reunión en Madrid as sensacións que quitamos non son nada boas, A empresa non está a clarificar o futuro nas dúas plantas despois do recorte de produción e a aplicación do E.R.E. A RT solicitoulle a Dirección cantidade de documentación relacionada con datos económicos, de produción, de clientes, custes, etc. Documentación que entregarán na próxima reunión do xoves.

Dende o Comité de Empresa pedímosvos a máxima participación na concentración do xoves de 13 a 14 horas na entrada a Fábrica.

Seguiremos informando.

REUNIÓN EXTRAORDINARIA DO COMITÉ DE EMPRESA

O Comité de Empresa levou a cabo hoxe unha xuntanza extraordinaria para acordar as medidas que se aplicaran de inmediato en resposta o anuncio do recorte de produción por parte da empresa e como consecuencia a aplicación dun ERE temporal.

Sobre a representación do Comité da Coruña na mesa de Madrid o Comité informou que a empresa convocou a 7 membros de cada Comité (Coruña e Avilés) para constituír a mesa conxunta, fixando a primeira reunión para o próximo martes 17 ás 11:30 da mañá e unha segunda reunión o xoves en horario a determinar na primeira reunión. Tódolos sindicatos están de acordo en que todos teñen que ter representación na mesa de Madrid e que debe de aplicarse a representatividade existente no Comité de Empresa. Finalmente acordouse que a composición fora de; CCOO 3, UGT 2, CIG 1, APC 1.

O Comité tamén acordou realizar concentracións de traballadores na entrada á Fábrica tódolos xoves de 13 a 14 horas e facer unha Asemblea Xeral Informativa o vindeiro sábado 21 de xaneiro ás 10 da mañá no comedor social da empresa. A parte destas medidas o Comité acordou outra serie delas das que se informará na asemblea do sábado.

Por último dicir que o venres día 20 celebrarase tamén en Madrid unha reunión do Comité Europeo de Alcoa (Euroforum) para tratar coa empresa o recorte de produción anunciado. Pola nosa parte esperamos que nesa reunión Alcoa de algunha información máis, aínda que non somos moi optimistas sabendo cal é a traxectoria deste órgano de representación europeo. O que si esperamos é poder falar co representante da Fábrica de Portovesme (Italia) para que nos conte que é o que está pasando alí e poder informarvos logo na Asemblea do sábado.

Compañeir@s somos conscientes do voso apoio, e non vos fallaremos. Dende CCOO pedímosvos que apoiedes da mesma maneira ó Comité de Empresa en tódolos actos que propoña para combater as medidas que quere impoñer a Empresa e para pedir un acordo enerxético que nos de garantías de futuro. Estamos convencidos que entre todos lograremos o noso obxectivo.

Seguiremos informando

REUNIÓN COMITÉ & DIRECCIÓN

Na reunión de hoxe a Dirección informou ó Comité de Empresa que a negociación sobre o recorte de produción de 90.000Tm para as fábricas de A Coruña e Avilés terá que realizarse de maneira conxunta pola representación dos traballadores das dúas plantas, solicitando ó mesmo tempo saber a composición da representación por parte da Coruña. O Comité respondeu que a solicitude era correcta ó tratarse dunha unidade de negocio con dous centros de traballo en distintas autonomías, pero que mentres que non falasen cos compañeiros de Avilés e se puxeran de acordo na composición; tanto no número como na representatividade, non podían dicir nada.

O Comité censurou á Dirección a desproporción existente na cota de recorte de produción entre unhas fábricas e outras e solicitou un reparto máis equitativo desta medida entre as plantas de Europa. Por outro lado o Comité solicitou que a Dirección lle informara si a medida de recortar a produción a nivel mundial de Alcoa estaba sendo seguida polas demais compañías do sector do Aluminio.

A esta última pregunta a Dirección respondeu que todas estaban facendo axustes nas súas producións incluso pechando algunha planta e que da única que non tiña datos era de Rusal.

A reunión rematou co compromiso da Dirección en responder a solicitude do Comité de repartir o recorte de produción máis equitativamente, e o Comité en falar con Avilés para poñerse de acordo na composición da mesa de negociación.

Seguiremos informando.

RECORTE DE PRODUCIÓN

A Dirección convocou hoxe de urxencia ó Comité de Empresa para informar que Alcoa había decidido reducir a súa produción a nivel mundial nun 12% devido ós malos resultados económicos recollidos no último trimestre do pasado ano.

Segundo a Dirección o 7% da redución de produción levarase a cabo nos EEUU, concretamente en plantas de Tennesseee e Texas. O 5% restante reducirano en Europa, para iso pretenden pechar a planta de Portovesme en Italia e reducir en 90.000Tm a produción en España a repartir entre as Fábricas da Coruña e Avilés (Alcoa Inespal).

A Dirección informou que esta decisión non viña só motivada polos malos resultados económicos da compañía, se non que era debido o baixón na demanda de Tocho e Placa e o baixo prezo do LME, que xunto co gran aumento dos custes das materias primas (Coke, Brea) que nestes momentos duplica o seu prezo, podería facer que no ano 2012 se alcanzasen os 15 millóns de Euros en perdas.

A Dirección da Coruña anunciou que esta redución de produción levará asociado un ERE temporal, tanto para a Fábrica da Coruña como para a de Avilés. O longo da mañá CCOO púxose un contacto cos compañeiros de Avilés, os cales informaron que a eles tamén os convocaron a mesma hora (12 da mañá) para anunciarlles o mesmo.

Para mañá esta convocada pola Dirección unha nova reunión co Comité de Empresa. De momento esta é toda a información de que dispoñemos, tan pronto saibamos algo máis iremos informando.