Despois de comprobadas
varias nóminas do mes de Febreiro detectamos que para calcular o importe da
Prima de resultados a Dirección había descontado o importe de 15 días de
salario ao valor anual do salario base en táboas, o cal reducía o importe a
cobrar. A Dirección xustificaba que iso se
facía pola inaplicación do Convenio que había reducido en 15 días de salario a
paga extraordinaria do mes de Xullo 2013.
Non estando de acordo con
este criterio denunciamos ante a Dirección que se estaba a realizar unha
interpretación errónea da resolución do Laudo Arbitral; “la inaplicación del artículo
30.3.2 se producirá exclusivamente respecto de la Gratificación Extraordinaria
correspondiente al mes de Julio, la cual tendrá así un importe de 15 días de
salario base”.
Ademais, a mesma empresa no seu documento de solicitude de Inaplicación só
pedía reducir a metade da contía da paga extraordinaria. Tendo en conta todo
isto, entendiamos que non se podía utilizar a inaplicación de 15 de salario
base na paga extra, e logo, utilizar de novo esa mesma Inaplicación para realizar
o cálculo da Prima de Resultados.
Finalmente fomos quen de facer entrar en razón á Dirección para
que revisaran o cálculo da Prima de Resultados, a regularización de esa
cantidade farase (segundo din) na próxima nómina do mes marzo.
Seguiremos informando...
