Hoxe pola tarde tocoulle a EN MAREA recoller as demandas dos representantes
dos traballadores da fábrica no tocante á eliminación do sistema actual de “poxa”
para a adxudicación da interrumpibilidade para grandes consumidores de
electricidade, e a necesidade da creación dun novo sistema que garanta un prezo
da electricidade competitivo a medio, longo prazo, similar ao de outros países
da Comunidade Europea. 
As mesmas inquietudes se lle
trasladaron á Secretaria Xeral do PP na
Coruña (Rosa Gallego) o pasado mércores pola mañá, e ao PSOE o mesmo día pola tarde en reunión co Deputado
no Congreso Ricardo García Mira.
Con estas reunións esperamos
poder facer de mediadores entre os distintos partidos para que as iniciativas
que están presentadas na Comisión de Industria do Congreso dos Deputados saian
aprobadas. Mañá mesmo debátese unha iniciativa que ten presentada EN MAREA e esperamos
que chegue a bo porto.
