Onte o Inspector de Traballo de Zona chamou a consulta a Representación dos Traballadores (RT)e a Representación da Empresa (RE) para tratar sobre dúas denuncias que a RT fixera en meses anteriores.
Unha das denuncias fora feita pola UGT sobre varios incumprimentos en Anexos. Sobre esta denuncia o Inspector decidiu pedir máis documentación para aclarar o obxecto da mesma.
A outra fora feita por CCOO ó traballar nas instalacións de Fundición sen o persoal mínimo necesario conforme os Procedementos de Traballo. Nesta ocasión a denuncia foi polo acontecido o 19 de Abril, ó manter a instalación da Vertical 1 en marcha con só dous traballadores.
Sobre está última denuncia o Inspector decidiu abrir “Acta de Infracción” á Empresa por “reiteración”, pois o ano pasado CCOO xa puxera a mesma de denuncia, por ter a Serra Imisa en marcha con só un traballador. Naquela o Inspector visitará a Fábrica e decidira paralizar a Serra ó detectar que se traballaba sen as barreiras de detección de presenza, facilitando o traballar cun só operario.
CCOO informou ó Inspector, de que a Empresa está a reducir persoal por debaixo do mínimo necesario para traballar, poñendo en risco os traballadores co realizan e incumprindo os procedementos de traballo. Tamén informou que a Empresa esta a facer unha política en contratación que incrementa os riscos para o novo persoal, con entradas e saídas continuas e realizando o traballo en ocasións sen a formación mínima e necesaria.
O Inspector, antes de rematar a reunión requiriulle a RE que lle presentaran toda a documentación sobre a formación dos traballadores contratados nos últimos 3 meses, así como os contratos de traballo dos mesmos.
Seguiremos Informando.
