MOBILIZACIÓNS:
O
pasado 17 de marzo durante a reunión para a Constitución do novo Comité de
Empresa acordouse retomar has mobilizacións logo das eleccións sindicais.
Decidiuse arrincar con unha
Concentración na Delegación do Goberno en Galicia, despois de Semana Santa, e durante
a mesma solicitar audiencia co Delegado do Goberno para unha representación do Comité
de Empresa.
O Comité de Empresa quere facer partícipe ao Delegado do Goberno da
gran preocupación dos traballadores e traballadoras ante a necesidade de
conseguir unha solución enerxética estable para a nosa empresa, antes deste
verán, e para que así o transmita ao Goberno e ao Ministerio de Industria
Enerxía e Turismo.A devandita concentración foi anunciada hoxe polo Comité de Empresa mediante un Comunicado de Prensa para informar aos medios de comunicación e ás respectivas organizacións sindicais.
A SECCIÓN SINDICAL DE CC.OO
Tras as eleccións sindicais do 27 de febreiro designouse
a Lucas Villar Toro como
Delegado Sindical da Sección Sindical de Comisións Obreiras en Alcoa Inespal Coruña S.L. Ofrecémoslle a Lucas todo o apoio da Sección Sindical no
seu novo cometido e desexámoslle o mellor. Ao mesmo tempo agradecemos a Roberto Fraga o gran traballo desenvolvido e a súa
grande implicación como Delegado Sindical os últimos catro anos.
Os mesmos agradecementos e recoñecemento para os
Delegados de CCOO que estaban no anterior Comité de
Empresa (Damaso Permuy, Fernando Brandariz, David Seijas, Luís Vidal, Manuel Cabezas) e que nesta nova etapa non continúan connosco, por diversos
motivos; resultados electorais, redución de membros do Comité de Empresa,
renovación ou decisión propia.
Grazas compañeiros, estamos convencidos que sen o voso
esforzo nestes catro anos de grandes ameazas non conseguiriamos os éxitos alcanzados.
Sabemos da vosa gran implicación e seguiremos todos xuntos defendéndonos de
vellas e novas ameazas nesta nova etapa.
