COMISIÓN DE SEGUEMENTO DO E.R.T.E

Da reunión de hoxe pouco hai que dicir aínda que os temas tratados son de gran calado. Hoxe fíxose un repaso do Plan Estratéxico para a Fábrica unha vez se alcance un acordo en materia de enerxía. Neste Plan Estratéxico recóllense iniciativas, estudos e necesidades de investimento e mellora que a Dirección considera oportunos para facer a Fábrica máis competitiva no futuro.

Este Plan Estratéxico estará complementado, tal e como se acordou na firma do E.R.T.E, cos investimentos recollidos no plan de competitividade do ano pasado (conversión a Gas, ampliación de Hornos 5, etc.) e o mesmo o avalará o Presidente de Alcoa en España coa súa firma. Hoxe solicítoselle á Dirección que incluíra no Plan a renovación dos Transformadores da Serie 2.

O outro asunto que se trato foron os calendarios teóricos do resto da plantilla co E.R.T.E. Estes foron entregados á parte social por correo electrónico unha vez rematada a reunión para que fosen revisados antes de trasladalos a plantilla. O martes que vén está fixada unha nova reunión na que se resolverán as discrepancias sobre os mesmos.

Seguiremos Informando.

GRACIAS !!!!

A SECCIÓN SINDICAL DE CC.OO QUERE DARLLE AS GRACIAS POLO SEU APOIO A TODOS OS COMPAÑEIROS E COMPAÑEIRAS QUE PARTICIPARON HOXE NA CONCENTRACIÓN DIANTE DE RED ELÉCTRICA ESPAÑOLA.

          GRACIAS !!!!






CALENDARIO DE MOBILIZACIÓNS DE ESTA SEMANA    

POLA REFORMA LABORAL E OS RECORTES SOCIAIS DO GOBERNO DO PP.

MOBILIZACIÓN !!!!

Compañeiros e Compañeiras dende a Sección Sindical de CCOO pedímoste que participes nesta nova mobilización en RED ELÉCTRICA ESPAÑOLA. Temos que participar todos os que non teñamos que traballar a esa hora, estámonos a xogar o futuro. Temos que seguir loitando para que se regule unha tarifa eléctrica competitiva para a industria e en particular para o sector do Aluminio. A industria ten que ser a palanca que mova o desenvolvemento do país e a enerxía a forza que se imprime a esa palanca.

NON PODES FALTAR !!!!          O FUTURO DEPENDE DE TI !!!!

ENERXÍA COMPETITIVA XA !!!!

SEGUIMENTO DO E.R.T.E

Da reunión de hoxe pouco se pode dicir xa que a Dirección non tiña listos os calendarios do E.R.TE para toda a plantilla. A Representación da Dirección (RD) intentou xustificar este retraso dicindo que estaban a ter máis problemas dos esperados para confeccionalos e que os tería listos nos próximos días. A Representación dos Traballadores (RT) foi moi crítica con esta situación e reclamo máis celeridade no asunto.

A RD entregou de novo o listado do 2º Grupo do E.R.T.E, coas correccións realizadas nos últimos días por varios motivos (traslados, IT, etc). A RT, recriminou á RD, o moito que axustaran a plantilla en activo durante o E.R.T.E e isto estaba a ocasionar cambios nos listados a curto prazo. Ademais, esta falta de previsión chegara ao extremo de que a algún traballador lle solicitaron interromper as súas vacacións e a outros que realizasen actividades distintas ás do seu posto de traballo e que de seguir así tomarían medidas.

A RD tomou nota e dixo que trataría de corrixir o exposto pola RT no futuro, pero que este era un ano especial e os listados e calendarios que entregaban non se podían dar por definitivos ata a súa aplicación, xa que estaban supeditados ás necesidades da Fábrica, pero tamén entendían que as vacacións non deberían de interromperse mentres houbese persoal en E.R.T.E. Outra das cuestións tratadas durante a reunión de hoxe foi a do rumor que hai na Fábrica sobre que algún colectivo non iría ao E.R.T.E. A Comisión quere aclarar que o E.R.T.E aplicarase a toda a plantilla en maior o menor medida. Iso foi o firmado no acordo e iso será o que se faga.

A Comisión está citada para unha nova reunión o próximo xoves 24 de Maio.

Seguiremos informando.

ASUNTOS VARIOS

PLAN DE PENSIÓNS

Recentemente recibistes nos vosos domicilios a información trimestral do BBVA PENSIÓNS, na cal infórmasevos que as aportacións do Promotor (Alcoa) neste primeiro trimestre do ano foran cero. Dende CCOO pediuse explicacións sobre este asunto e os Representantes do Promotor manifestaron que os importes estaban transferidos e a Xestora lles confirmou a súa recepción coas súas datas de valor.

Segundo fontes do promotor o fallo puido ser debido "a que no arranque dun novo exercicio é necesario realizar procesos paralelos ou específicos de inicialización para completar a información necesaria". Parece que este problema xa foi emendado e podédelo comprobar se entrades en Web de BBVA PENSIÓNS. Se é a primeira vez que accededes, para rexistrarvos é necesario que teñades a man o número de conta cliente pensións, este dato aparece no lado dereito superior dos recibos trimestrais.

PRÓXIMAS MOBILIZACIÓNS

O Comité de Empresa solicitou na Subdelegación do Goberno permiso para unha nova concentración de traballadores de Alcoa. Esta nova mobilización levaríase a cabo o próximo 21 de Maio, ante a sede de Red Eléctrica Española da Coruña (Zalaeta).

A colaboración de Red Eléctrica Española (REE) é clave para conseguir unha suministración enerxética competitiva para a industria do Aluminio. É necesaria a súa colaboración para optimizar a contribución de interrumpibilidade e transporte para alcanzar unha solución de longo prazo. REE é quen garante a subministración continua e fiable de enerxía e contribúe á correcta asignación dos custos de transporte da mesma. Ademais é quen xestiona a interrumpibilidade, que é a clave para alcanzar un prezo competitivo.

Cando a Subdelegación do Goberno conteste á solicitude comunicarémosvolo, dende CCOO invitámosvos, dende xa, a que participedes nesta nova mobilización.

Seguiremos informando.