MARCHA A SANTIAGO !!!!

O próximo Lúns 11 de Xuño, ás 10 da mañá, os traballadores e traballadoras de Alcoa da Coruña faremos unha concentración diante da Delegación do Goberno (Praza de Ourense) como inicio da marcha de tres días a pé que o Comité de Empresa e os compañeiros e compañeiras de Alcoa levaremos a cabo ata as Consellerías do Goberno Galego en Santiago.

Dende CC.OO pedímosche que si por algunha razón non podes participar nas etapas a pé, asistas igualmente á concentración na Delegación do Goberno para dar folgos e acompañar ata " Os Castros" a os compañeiros e compañeiras que farán a primeira etapa.

O Mércores 13 de Xuño, como remate desta Mobilización os Comités de Empresa das Fábricas da Coruña e San Cibrao farán a última etapa dende o Monte do Gozo xuntos e acompañados por traballadores dos dous centros de traballo. Esta última etapa a pe rematarase diante das Consellerias da Xunta de Galicia para demandar do Goberno Galego unha solución enerxética que garanta a continuidade da actividade e a competitividade das dúas plantas Galegas de Alcoa.

          HORARIOS DOS AUTOBUSES:

Ø 11 Xuño: Saída da Fábrica ás 9:30 da mañá ata a Praza de Ourense (inicio da marcha). Este bus acompañará na 1ª etapa os participantes e retornaraos a Fábrica unha vez terminada a etapa no Mesón do Vento.

Ø 12 de Xuño: Saída da Fábrica ás 8 da mañá ata o Mesón do vento para retomar a marcha. O bus acompañará a os participantes ata o Monte do Gozo en Santiago e retornará á Fábrica dende alí.

Ø 13 de Xuño: Saída da Fábrica ás 9:45 da mañá ata o Monte do Gozo para retomar a marcha. Ás 11 da mañá sairá outro autobús dende a Fábrica ata Santiago (as Consellerías) cos traballadores e traballadoras que queiran participar na Concentración, retornando a Fábrica o terminar.

 OS DE ALCOA PODEMOS !!!!
E IREMOS A SANTIAGO !!!!