Dende a Sección
Sindical de CCOO
queremos dar as grazas a todos os compañeiros e compañeiras que participaron
nesta mobilización e aos que dalgún xeito querían ter participado e non
puideron facelo por ter que cumprir coa súa xornada de traballo. Queremos dar
un especial recoñecemento a todos os compañeiros e compañeiras que participaron
nas etapas a pé do percorrido, sen excepción algunha.
Especialmente queremos destacar aos que fixeron o esforzo extra de realizar as etapas de máis de 30 quilómetros despois de saír da quenda de noite ou tendo que incorporarse a esa quenda ao rematar a etapa. O mesmo recoñecemento a todos os que polos seus medios se incorporaron á marcha unha vez que realizaron a súa xornada de traballo, e non podemos esquecérsenos os dous xubilados de Fábrica que realizaron o percorrido completo sen perdoar nin un só metro, ao igual que os dous compañeiros da Sección Sindical de CCOO de San Cibrao. Dende CCOO dámosvos as grazas a todos e a todas pola vosa determinación e apoio ao Comité de Empresa nesta mobilización, foi impresionante compañeiros e compañeiras.
Despois de tres duras xornadas camiñando os traballadores de Alcoa chegamos hoxe
ás Consellerias de la Xunta
de Galicia en Santiago.
Alí unha representación dos dous Comités de Empresa de Alcoa (Coruña e San Cibrao) foron recibidos polo Conselleiro de
industria Javier Guerra
a quen se lle entregaron un escrito explicando as demandas que nos levaron ata alí.
Mentres isto acontecía o resto dos traballadores e traballadoras concentráronse
fora cantando consignas en demanda dunha tarifa eléctrica competitiva para as
dúas Fábricas e a renovación do Contrato de enerxía.O Conselleiro mostrouse en todo momento disposto a achegar todo o necesario para que se cumpran as demandas dos traballadores e traballadoras alí presentes. Dixo que dende a Xunta e o seu Consellería farían todo o posible por manter a actividade industrial das dúas plantas Galegas de Alcoa. Tamén dixo que a Xunta non estaba de acordo coa regulación do MIX enerxético que se estaba a formular nestes momentos por prexudicar a Galicia e que de levarse a cabo chegarían a recorrelo no Tribunal Constitucional. O Conselleiro emprazo á representación dos dous Comités de Empresa a unha nova reunión en Setembro para revisar a situación e valorar os pasos a dar entón.
ESCRITO ENTREGADO AO CONSELLEIRO
Por medio do presente escrito
o Comité de Empresa de ALCOA INESPAL S.A da Coruña, quere facerlle participe da
gran preocupación que os traballadores e traballadoras de Alcoa xunto coas
compañías externas que nela traballan temos pola delicada situación que esta
atravesando a nosa Fábrica e o sector do aluminio en España. Isto é debido
principalmente ó alto custe da tarifa eléctrica, o cal déixanos en inferioridade de condicións para competir
cos demais produtores europeos.
España é un dos principais
produtores de Aluminio primario da UE, con unha capacidade de produción de máis
de 500.000 toneladas/ano. Esta produción repártese entre as fábricas de Alcoa
de Avilés, San Cibrao e A Coruña. Máis do 70% desta produción realizase nas
fabricas Galegas de San Cibrao e A
Coruña, converténdonos así nun dos sectores estratéxicos da Comunidade Galega e
do pais. O sector do Aluminio en España esta especialmente encorsetado, pois non
podemos repercutir o custe de produción no produto final. O prezo do Aluminio fixáselle
na Bolsa de Metais de Londres, o igual que boa parte das materias primas (Coque,
Brea) procedentes do petróleo. Aos produtores de Aluminio só lles queda a
enerxía eléctrica como a variable para manter o equilibrio na rendibilidade do
proceso.
A enerxía eléctrica lévase
aproximadamente o 40% dos custes do proceso do Aluminio. Nos demais países
europeos, sobre todo os do norte, están regulando tarifas eléctricas para este
sector moi competitivas, e con contratos de mantemento do suministro ata 40
anos. Dende principios de marzo deste ano, os traballadores e traballadoras das
fabricas de Alcoa na Coruña e Avilés, estamos inmersos nun Expediente de Regulación
de Emprego Temporal, o cal pode rematar nun Expediente de Extinción de
Contratos e o desmantelamento das instalacións se non se regula unha tarifa
eléctrica que nos poña en igualdade de condicións para competir en Europa.
Dende o Comité de Empresa de Alcoa pedimos a colaboración do Conselleiro de
Industria e do Presidente da Xunta de Galicia para que intercedan co Goberno
Central e se nos teña en conta na Regulación do MIX eléctrico que se esta
desenrolando nestes momentos. Este Comité de Empresa non quere nin imaxinar a
catástrofe social e económica que suporía a desaparición do noso sector para
Galicia. A nosa industria instalouse fai máis de 50 anos na nosa Comunidade
pola gran capacidade enerxética que tiñamos, e que seguimos tendo. Non entendemos
como sendo unha Comunidade Autónoma gran
produtora de enerxía eléctrica, chegando a exportar este recurso a outras Comunidades,
incluso a Portugal e padecendo nos o impacto medioambiental desta xeración de
enerxía temos a nosa industria gran dependente da mesma en risco de ser
deslocalizada.
Na seguridade da súa colaboración e a espera da súa resposta, aproveitamos
a ocasión para saudarlle moi cordialmente.
