Na reunión de hoxe a RD presentou os datos que lle foran solicitados na reunión anterior pola RT. Estes datos demostran a gran razón que ten o Comité de Empresa cos seus plantexamentos, as cantidades que se están a pagar pola man de obra externa son “mareantes”, o igual que as cantidades que se pagan polo aluguer dos vehículos industriais. Á RT non lle cabe dubida de este é o camiño para aforrar custes na Fábrica, e tendo en conta que as cifras que se barallan son as que aporta a RD, e terán que ser contrastadas en próximas reunións.
O mesmo acontece cos datos da valoración do plan de competitividade que o Comité de Empresa propuxo para a Fundición; serra automatica, cambio dun forno V5 a 37 Tm, cambio de formato na V1, instalación Gas Natural. As propostas feitas demostran que aparte de dar unha rápida resposta ás necesidades do mercado actual, melloran a produtividade, colocando á Fábrica en boa predisposición para competir e tendo en conta que existe aínda unha gran marxe de mellora en produtividade si se reactivase o mercado actual.
A RT tamén informou de que existía interese dende outras plantas polas baixas incentivadas (PFD) que podían facer que persoal desta Fábrica optará por un traslado si houbera vacantes por este motivo. A RD quedou en estudar esta posibilidade e responder máis adiante.
O gran problema co que se está atopando a RT, é a nula capacidade de toma de decisións que ten a representación da RD, porque para acometer as propostas do Comité de Empresa é necesario unha inversión (en algún caso) que se reingresaría en tres anos a máis tardar, e a política de Alcoa nestes intres e de reingresar as inversións. nun ano. Esta claro que con este panorama, esta Planta necesita unha moratoria desta política, para levar a cabo as inversións que se nos negaron anos atrás.
A próxima reunión será o venres 24.
Seguiremos informando.
