NOTA INFORMATIVA DO COMITÉ DE EMPRESA

PRIMA DE VACACIÓNS 2013

Despois anunciar dende CC.OO o inicio do proceso para reclamar individualmente as cantidades da Prima de Vacacións (no tempo de inaplicación do Convenio) a Dirección chamounos a consulta. Explicámoslles que o proceso iniciouse por entender que se estaba realizando un trato discriminatorio a parte do persoal no cobro de este concepto por mor da inaplicación. A empresa estaba a pagar ata de tres maneiras distintas un concepto que tiña que ser a mesma cantidade para todos os traballadores e traballadoras da Fábrica, independentemente do nivel retributivo que tivesen.

Despois de varias conversacións a Dirección confirmounos hoxe que aceptaba voluntariamente pagar as cantidades non satisfeitas da Prima de Vacacións a todos os traballadores e traballadoras. Polo tanto, este mesmo mes regularizarán estas cantidades a todos os traballadores e traballadoras que cobraron a Prima de Vacacións nos meses de Abril, Maio e Xuño, tanto en paga única como mensual.

Non queremos rematar este comunicado sen dicir que aínda que nos sorprende de esta Dirección tal decisión, tamén nos alegra comprobar como aínda lles queda algo de coherencia e sentido común, pois entendemos que acaban de obrar de xustiza. Esperamos que polo ben da nosa Fábrica este indicio de coherencia non sexa cousa dun día.

Seguiremos informando…

        Dende a Sección Sindical de CCOO queremos informar de que o Comité de Empresa unha vez falou co Alcalde e as distintas forzas políticas da cidade, enviou hoxe unha nota de prensa a os medios de comunicación alertando do anuncio da Segregación de Alcoa Inespal e da necesidade de que se vixíe este proceso co fin de garantir a viabilidade da Fábrica.

    Así mesmo, aproveitamos para informar de que dende esta Sección Sindical se iniciou o proceso para reclamar as cantidades deixadas de pagar pola empresa a todos os afiliados e afiliadas que cobraron a paga de vacacións nos meses de Abril, Maio e Xuño e non percibiron o incremento pactado en convenio para o ano 2013.

        Tal e como reza no comunicado da Sección Sindical todos os afiliados e afiliadas afectados que estean nesta situación e queiran realizar a reclamación de cantidade, poden achegarse a os nosos delegados para iniciar o proceso.

Seguiremos informando.

NOTA INFORMATIVA DO COMITÉ DE EMPRESA

VISITA DO PRESIDENTE DE ALCOA ESPAÑA Á FÁBRICA

A Sección Sindical de CCOO unha vez valorado o dito hoxe polo máximo responsable da compañía a nivel nacional na súa visita á Fábrica, quere deixar clara a súa postura. Para nada nos tranquiliza as verbas do presidente cando di que a Fábrica de Coruña non está en venda, e menos despois de dicirnos que antes de final de ano pensan dividir xuridicamente a actual Alcoa Inespal (Coruña e Avilés).

Está claro que algo se está a mover, e as conclusións que quitamos non son nada boas. Alcoa Inespal é a empresa Matriz do aluminio primario en España, a súa única accionista é Alcoa Inversións España S.L e conta con tres filiais: Aluminio Español, S.A. (en San Cibrao, da que posúe o 100% do capital social), Alumina Española, S.A. (en San Cibrao, da que posúe o 60%) e Alcoa Inversións Internacionais, S.L. (do que posúe o 44%). Dende CCOO xa solicitamos dos nosos máximos responsables sindicais a nivel estatal que vixíen esta operación, pois dubidamos que todo isto sexa unha estratexia máis da Compañía para descapitalizar a empresa e logo tomar decisións máis traumáticas.

Sobre a pretensión da Dirección de vender o Laminador, co único obxectivo de facer caixa, queremos facer constar a nosa rotunda oposición. Non estamos dispostos a que se quite esa instalación sen que definitivamente a empresa avale o futuro da planta. En vez de realizar os investimentos prometidos (para os cales teñen subvencións paradas) están a descapitalizar a Fábrica vendendo as súas instalacións. Deste xeito, se Alcoa non nos quere nun futuro, tampouco nos quererá ninguén. Dito isto, solicitamos a calquera traballador que se ve algún movemento estraño sobre o Laminador Properzi o comunique de inmediato a calquera delegado de persoal para obrar en consecuencia.

O presidente acusa á parte social de xudicializar as relacións na Fábrica. ¿Como non se van a xudicializar cunha Dirección que non é capaz de respectar os acordos asinados nin 24 horas? Véxase o que pasou o 18 de xaneiro, co acordo sobre o descolgue e o retorno de cantidades. Ou tamén o que pasou co Plan de Competitividade, onde a mesma Dirección dicía que de telo executado daría á planta un aforro de 99,4$/Tn, o que hoxe serían uns 5 millóns de euros ao ano de aforro, e non fixo practicamente nada. O cal ocasionou logo a presentación dun ERTE e un descolgue de Convenio xustificando que tiñan que recortar custos.

Como se pode confiar nunha Dirección, que sentes que te está a enganar? Cando fomos a Guitiriz para que nos desen a gran noticia de que tiñan pensado descolgarse do Convenio, argumentaban que o tiñan que facer, pois perderían (segundo as súas estimacións) 13 millóns de euros en cada planta (Coruña e Avilés) no 2013. E que deses 13 terían que aforrar 7 para non ter problemas, xa que os outros 5 millóns eran de amortizacións que se terían que realizar de todos os xeitos. Hoxe dinnos que pechado o terceiro trimestre se levan perdidos 993 mil euros (A Coruña), pero que esperan finalizar o ano cunhas perdas de 3,7 millóns de euros. Segundo estes datos, moi mal vai ir o último trimestre do ano, pero comparado coas súas previsións teñen unha mellora de case 10 millóns de euros. A día de hoxe os motivos que esgrimiron en Guitiriz caen polo seu propio peso, a falta de saber o que realmente pasará no cuarto trimestre.

CCOO intenta arranxar os problemas dentro da Fábrica, sempre que sexa posible e como sempre fixemos. Pero non imos permanecer impasibles ante os mesmos, por moito que lle gustase ao presidente de Alcoa. Trasladarémolos á xustiza (que para iso está) cando a Dirección non sexa capaz de dar solucións axeitadas e trate de atacar os dereitos dos traballadores.

Seguiremos informando…

INFORMACIÓN DO COMITÉ DE EMPRESA

RESOLUCIÓN DE LA SECCIÓN SINDICAL INTERCENTROS DE CCOO DE ALCOA

ALCOA PON EN VENDA A LAMINACIÓN ESPAÑOLA

No día de hoxe as Direccións dos Centros de Amorebieta e Alicante comunicaron ás respectivas Representación dos Traballadores que ALCOA decidira vender o sector da Laminación en España. Parece ser que tamén se inclúen plantas Francesas na operación de venda, pero esta noticia esta sen confirmar.

De momento non temos máis información que esta. Só dicir que mañá a Dirección de Coruña citou a unha representación do Comité de Empresa, imaxinamos que para dar máis información ao respecto.

Seguiremos informando….

ANDARAS BEN SUDADO

O dito no titulo deste escrito, é o que pensan do ABS e de como se ten que traballar na Fundición, o que MAL dirixe esta Fábrica e o seu máis humilde servidor (Xefe do Departamento da Fundición).

Recentemente algún "iluminado" decidiu cambiar os procedementos de traballo describindo as tarefas de xeito individual aludindo ademais que así podían aproveitar algún excedente nun equipo de traballo (polivalente) para que puidese realizar tarefas noutra instalación. Temos claro que o único obxectivo deste cambio é o de traballar nas instalacións sen cubrir as dotacións mínimas de persoal e así reducilo. Que casualidade que o único en común en todos os procedementos é que as tarefas pódenas realizar un só operario, mesmo a limpeza de flotadores. O cal é vergonzoso pois incrementa a exposición á calor dos traballadores.

Os procedementos están denunciados na Inspección de Traballo pois consideramos  que incrementan os riscos para a saúde dos traballadores ao quedar sós máis do aconsellable en tarefas perigosas. Ademais ningún dos procedementos recolle que o traballo na Fundición se realiza por equipos completamente autónomos, faltando a realidade operativa. Dende fai mais de 10 anos o traballo na Fundición realizase tendo como referencia o ABS e levase a cabo por 3 equipos de traballo ben definidos (V1, V5, Homoxenizado e Serras) en cada un deles existe un Líder (que é un traballador máis) o cal é o enlace entre o Xefe de Quenda ante calquera problema e ao revés.

Este sistema operativo adoptouse no seu día despois de ser negociado e chegar a un acordo cos traballadores. Neste sistema de traballo a Dirección e o Departamento sempre dixeron que non había equipos de traballo por debaixo de 3 traballadores, así no lo recordaban sempre que solicitabamos que no Laminador ou no Transporte de metal se fixeran equipos e o seu correspondente Líder, dicindo que era o Xefe de Quenda quen xestionaba os movementos de eses traballadores.

O último cambio nos procedementos de traballo trouxo como consecuencia que os Xefes de Quenda (coas directrices do Departamento), interfiran ao longo da xornada desfacendo os equipos cando se lles antolla chegando a traballar en dúas instalacións con 4 ou 5 traballadores cando tiña que haber mínimo 6 repartidos en dos equipos. O máis grave de todo isto se chega a realizar en plena coada nas dúas verticais á vez, incrementando o risco para os traballadores o cal xa foi notificado á Inspección de Traballo.

En contra do discurso de Alcoa en materia de ABS, consideramos que a Dirección e o Departamento están atacando este sistema que se aplica na Fundición por case 10 anos, e tamén consideramos que se está realizando un incumprimento máis do Convenio Colectivo no seu artigo 17.6 (Sistema de Xestión de Alcoa) no cal as dúas partes se comprometen a defender e aplicar o ABS como sistema operativo na Fábrica. Ante isto dicir que o pasado 4 de Setembro solicitouse dende o Comité de Empresa a convocatoria da Comisión de Interpretación e Vixilancia do Convenio Colectivo para tratar este asunto.

Queremos deixar claro a todos os compañeiros e compañeiras que, se os equipos de traballo non se completan son os Xefes de Quenda os que teñen que dar as ordes precisas en cada momento de calquera tarefa que haxa que realizar nas instalacións. CC.OO seguirá a defender o traballo en base ao ABS e por equipos, pero de non ser corrixida por parte da Dirección e o Departamento de Fundición a súa actitude verémonos obrigados, moi pesar noso, a promover o abandono do ABS como sistema organizativo na Fundición e a promover calquera outra acción de protesta máis contundente.

ENQUISA DE VOCES GLOBAIS

           De novo está a Dirección a voltas coa enquisa de VOCES GLOBAIS dicindo aos mandos que teñen que premer a os traballadores e traballadoras para que saia o resultado que a eles lles interesa, xa que na mesma xúlgase a súa xestión e a dos xefes de departamento. Para lograr ese obxectivo exercen sobre os traballadores e traballadoras todo tipo de presións incluídas ameazas entre elas a máis común é a do peche da fábrica.

            Non sería normal pola nosa banda que despois de baixarnos o salario da maneira que o fixeron (sen darnos a opción de recuperalo con beneficios) saíra na enquisa un resultado positivo nin de participación nin de resultado final. Porque se sae positivo colgaranlles a súa medalliña e entre outras medidas e volveran a intentar inaplicar o Convenio, e entón si que a culpa será nosa.

            Polo tanto, dende a Sección Sindical de CC.OO. facer un chamamento para non ceder ás presións ás que nos van someter os nosos mandos para sacar a enquisa como lle convén á Dirección. Se alguén se sentise premido para cubrir a enquisa poñelo en coñecemento dos nosos delegados para trasladalo fora da fábrica a quen teña a capacidade de darlle unha solución ao problema. O mesmo que se detectades que algúns mandos están a cubrir máis enquisas que a súa.

            O que a queira realizar a enquisa debe de facelo sen presión ningunha e poñendo o que realmente pensa preservando o anonimato, para que finalmente o resultado desta reflicta o sentir do persoal e a xestión que se está a facer da planta. O ano pasado quitamos un bo resultado pois estabamos a pensar que todos estabamos a tirar do mesmo carro polo problema da enerxía. Agora temos a oportunidade de dicirlle a Alcoa como nos sentimos despois de deixarnos tirados coa inaplicación do Convenio e a xestión de esta Dirección.

MEDIDAS DESPROPORCIONADAS & ABUSO

           Despois de que a Comisión Consultiva Nacional de Convenios Colectivos (CCNCC) emitise a resolución do Laudo Arbitral no departamento de electrólises algúns mandos están a comunicar aos traballadores que a fábrica está nunha situación crítica. Imaxinamos que para pola vía do medo forzar a que asinemos a inaplicación, xa que non saíu como esperaban.

            Dicirvos que o Comité de Empresa nas alegacións presentadas na CCNCC, fixo constar que o único que se buscaba era a viabilidade da planta e fóra cal fóra o resultado da arbitraxe manterían a súa postura; levar a cabo os investimentos comprometidas e que nos devolvan o diñeiro cando teñan beneficios. Non nos é posible fiarnos máis desta Dirección, que renegan do que asinan.

            Cando as cousas veñen mal os nosos "Xefazos" son os primeiros en abandonar o barco. Son da mesma escola que o capitán do Concordia, ao ERTE remitímonos. Tendo os salarios máis altos e podendo aforrar máis, dicían que non podían ir ao ERTE porque eran imprescindibles, iso si aproveitárono ben facendo pontes de venres a luns. En cambio agora resulta que xa non son tan imprescindibles para irse de vacacións todo o mes.

            Por outro lado, dicirlle á Dirección e os seus "aspirantes a xefes de planta" que dado que a inaplicación non lles saíu como esperaban que fagan entre eles unha colecta ata completar a diferenza, porque entre outras cousas os seus salarios e prebendas, que son moitas, dan para realizar ese esforzo. Así darían exemplo que é o que nunca practican, xa que a súa intención é de cargar a parte económica sobre os traballadores e saír eles co mínimo posible e ás probas remitímonos.

            Cada día que pasa a Dirección de Planta está máis en dúbida que non só tense que dedicar a pedir esforzos e sacrificios aos traballadores (nota de dirección 1.07.13) senón que ten que xestionar a Fábrica como se espera dela e esixir responsabilidades por todo o que está a pasar nos Departamentos. Pouca decencia hai que ter para estar a pedir sacrificios aos traballadores ao mesmo tempo que se lles recorta o seu salario, e logo  estando a fábrica tan mal economicamente alugar as instalacións dun hotel para levar a cabo unha reunión.

            Menos decencia hai que ter para intentar quedar como un "xefazo" invitando a catro churros aos traballadores e levándoos a comer o Club Financeiro. Mellor sería que o Xefe de Electrolisis concentrase a súa pouca capacidade en xestionar o Departamento, que boa falta lle fai. E se deixáse de parvadas e de facer experimentos que finalmente elevan os custos, e fan que a día de hoxe a serie 2 este feita un desastre e os traballadores rebentados pola súa inoperancia.

REUNIÓN EXTRAORDINARIA DO COMITÉ DE EMPRESA

O Comité de Empresa reuniuse hoxe en sesión extraordinaria para avaliar o resultado do Laudo arbitral sobre o proceso de Inaplicación.

O pleno valorou positivamente o ditame do árbitro, pois este vén a ser a terceira parte de gravoso para os intereses dos traballadores do que pretendía a empresa e bastante menos do que se está a aplicar noutros centros de traballo (Avilés e Alicante). Aínda así o Pleno acordou que as distintas Centrais Sindicais solicitasen nos seus respectivos gabinetes xurídicos un informe sobre o Laudo pois entende que o mesmo entra en varias contradicións que terán que ser valoradas por se é necesario recorrer o mesmo.

O Comité de Empresa acordou solicitar unha reunión coa Dirección (xa solicitada por escrito) para tratar o Laudo Arbitral e aclarar a posición das dúas partes. Dende CCOO esperamos que a Dirección se aveña a convocar a devandita reunión o antes posible e non faga o mesmo que coas anteriormente solicitadas o 28 de Xuño (para tratar a situación actual da empresa, resultados económicos dos 2 primeiros trimestres do ano e situación actual da compañía) ás cales lles deu silencio administrativo, feito que finalmente foi posto en coñecemento da Inspección de Traballo (por escrito) para que dende alí se inste á empresa a realizar a devandita reunión e dar a información solicitada.

Ata os representantes de CCOO chegaron comentarios de que algúns mandos desta Fábrica, seguramente ben adestrados dende a Dirección, estanse a dedicar a exercer unha conduta de auténticos mafiosos dende que saíu o ditame do Árbitro. Estanse a dedicar a realizar charlas cos traballadores para dalgún xeito amedrentalos dicíndolles que se a empresa ten que devolver parte do diñeiro quitado indebidamente e enriba non poden quitar todo o que pretendían as consecuencias será peores.

Dende CCOO queremos facer unha advertencia a este tipo de conduta e se non é corrixida actuaremos coa contundencia que merece. O Comité de Empresa mantívo neste proceso unha conduta irreprochable e moi coherente, ofrecendo sempre aceptar o plan de aforros presentado pola empresa sempre e cando se comprometesen a executar os investimentos considerados vitais e que xa todos coñecemos (para as que hai subvencións paradas) e recoñecer unha débeda cos traballadores e devolver o diñeiro cando a situación mellorase (mesmo en cómodos prazos), esa mesma oferta pódese ler mesmo na últimas alegacións do Comité de Empresa antes de que o Árbitro realizase o seu ditame.

Fomos moi pacientes con esta Dirección afrontado os problemas buscando solucións sempre primeiramente polo camiño do dialogo e cando non foi posible acudindo ao ámbito xudicial que para iso está, aínda que ultimamente os dereitos dos traballadores non estean a ser tidos en conta. Esperamos que a Dirección retome o camiño do dialogo e deixe de obrar como o está a facer, se non verémonos abocados á conflitividade moi ao noso pesar.

DICTAMEN DO ARBITRO POLA INAPLICACIÓN DO CONVENIO

O árbitro D. Francisco Gonzalez de Lena, designando pola Comisión Consultiva Nacional de Convenios Colectivos (CCNCC) polo proceso que de Inaplicación do Convenio que iniciou a Dirección da Empresa acaba de decidir no seu ditame que existen causas económicas na empresa para promover o proceso de Inaplicación.

O Laudo arbitral limita a Inaplicación e só poderá facerse a partir do 5 de Abril 2013 (finalización do período do ERTE) e ata o 30 de Xuño de 2013. A empresa só pode facer a conxelación salarial nese período e rebaixar en 15 días de salario a paga extra de Xullo, pero non pode facer o mesmo coa de decembro como tiña solicitado. A prima de Resultados de 2013 terá que aboala de acordo ao recollido no Convenio Colectivo.

Este Laudo rebaixa as pretensións da empresa considerablemente e deixa en evidencia o desproporcionado das medidas que formulaba, mesmo dentro dun período de ERTE acordado cos traballadores.

O Comité de Empresa reunirase en breve para valorar este Laudo e tomar as decisións oportunas. Destas informaremos o antes posible.

NOTA INFORMATIVA DO COMITÉ DE EMPRESA

DECLARACIÓN DA RENDA 2012

1º MAIO

— O 1.º de Maio é unha xornada de solidariedade e reivindicación internacional, e este ano conmemórase no medio dunha profunda crise económica e financeira, que nalgúns países como o noso se manifesta de forma dramática.

— A Unión Europea, que actúa ao ditado da chanceler Merkel, insiste nas súas receitas neoliberais: déficit, golpe ao estado de benestar e aos dereitos sociais e laborais, paro e recesión.

— Políticas que en España, coma noutros países do sur de Europa, amosan o seu perfil máis antisocial, con reformas laborais orientadas a debilitar a negociación colectiva e acabar co convenio como ferramenta de protección de traballadoras e traballadores.

— Pero sen dúbida, a faciana máis cruel destas políticas é a destrución de emprego e o paro, que xa superou o listón intolerable dos seis millóns de persoas que, querendo, non poden traballar.

— Ademais, o Goberno non para de privatizar, de transferir recursos públicos á iniciativa privada, de xerar unha crecente desprotección e inseguridade entre os sectores máis desfavorecidos.

— Aínda por riba, aumenta a desafección da cidadanía pola política e recrúa a crise institucional, xusto cando son máis necesarias ca nunca as políticas públicas para mellorar a vida da xente.

Fai falta outra política

Por iso en Galicia e en España e ante as políticas de irracional austeridade e contención do déficit levadas a cabo, a custa de empobrecer a inmensa maioría da sociedade, os sindicatos propoñemos:

- fronte ao drama do paro: reactivación económica
- fronte á desregulación laboral: dereitos e convenio colectivo
- fronte ás privatizacións: servizos públicos e protección social
- fronte á crise social e política: máis e mellor democracia

Participa na Manifestación do 1.º de Maio de 2013!!!!

PRAZA DA PALLOZA, ás 12 da mañá !!!!

Loita polos teus dereitos!!!!

COMUNICADO DO COMITÉ DE EMPRESA

CONTRATO DE RELEVO

No dia de hoxe rexistrouse no INSS o acordo entre o Comité de Empresa e a Dirección para poder executar o Contrato de Relevo ata o ano 2018  acolléndose así á "cláusula de salvagarda" do recente RD-Lei 5/2013 do 15 de Marzo, de medidas para favorecer a continuidade dos traballadores e traballadoras de maior idade e favorecer o envellecemento activo.

Con este paso ábrese a posibilidade a que os traballadores e traballadoras da Fábrica que naceran antes do 1 de Xaneiro do ano 1958 poderán acollerse a xubilación parcial mediante o Contrato de Relevo.

Tal e como recolle o RD Lei 5/2013 o Contrato de Relevo será voluntario polas dúas partes. E dicir, será voluntario tanto o ofrecemento por parte da empresa da xubilación anticipada ao traballador/a que cumpra as condicións estipuladas, como que o traballador/a poderá decidir si a acepta ou non a mesma.

NOTA DIRECCIÓN

Por fin hoxe, e despois de que a Representación dos Traballadores o solicitase en varias reunións, a Dirección abriu (mediante unha nota) a posibilidade de que calquera traballador interesado solicite calquera praza (antes do próximo 2 de abril) que poida quedar libre pola continuación das internalizacións de traballos existentes e outras novas despois do ERTE.

Ver nota....

NOTA INFORMATIVA COMITÉ DE EMPRESA

O Comité de Empresa e a Dirección mantiveron hoxe unha reunión que foi un autentico "fracaso", pois as expectativas eran moitas e a Dirección non presentou a organización dos Departamentos a partir do fin do ERTE en curso (4 de Abril) e tampouco presentou os calendarios sobre a base desa nova organización.

Por outro lado, sobre a solicitude que se lle fixera á Dirección de abrir a voluntariedade do persoal para cubrir as prazas da internalización (quitando unha nota) nada de nada. A Dirección di que non está pechada a esa voluntariedade, pero que aínda non tomaron unha decisión ao respecto e que de momento seguirán adiante coa mobilidade funcional prevista e que logo se deciden abrir a voluntariedade farían os cambios necesarios.

O Comité de Empresa esixiu á Dirección que presentara o antes posible as organizacións dos distintos Departamentos e entregara os calendarios coas quendas de vacacións. Ademais solicitou que tomase a decisión de abrir a voluntariedade e o fixese o antes posible para non prexudicar máis do necesario aos traballadores afectados pola mobilidade. Tamén se lle reclamou á Dirección que aclarara cal sería o criterio para pagar o premio de vacacións (en inverno) unha vez que se movan as vacacións dos ciclos habituais tendo en conta os acordos existentes. A Dirección dixo que aclararía todos estes puntos o antes posible, pero non deu data para a unha próxima reunión.

Isto foi todo o que deu de si a reunión de hoxe. Antes de rematar e ante as dúbidas que nos formularon algúns compañeiros, queremos aclarar que os afectados por esta nova mobilidade están informados pola empresa, e son 27 traballadores, entre os que están os mobilizados polo ERTE en vigor, se non é así, non están afectados. Se algún dos afectados ten algunha dúbida ou non está conforme con esta mobilidade debería de poñerse en contacto co seu sindicato para aclarala ou poñer a correspondente reclamación o antes posible.

 

Seguiremos informando.  

NOTA INFORMATIVA DO COMITÉ DE EMPRESA

O pasado 14 de marzo celebráronse dúas reunións da Comisión de Interpretación e Vixilancia do Convenio Colectivo e en ningunha das dúas reunións se chegou a un acordo. A primeira celebrouse a petición do Comité de Empresa para tratar o conflito de traballo xurdido polo incumprimento do Convenio ao non realizar a empresa os incrementos salariais pactados para o ano 2013 e a non devolución das cotas do Fondo de Axuda do ano 2012. A segunda levouse a cabo por solicitude da Dirección seguindo co proceso que iniciaron para a inaplicación do Convenio e a Modificación Substancial das Condicións de Traballo.

Hoxe mesmo, unha vez asinada a acta da reunión da Comisión de Interpretación e Vixilancia o Comité de Empresa cursou solicitude ante o Consello Galego de Relacións Laborais para unha mediación no AGA por incumprimento de Convenio. Se neste organismo non se chega a un acordo o asunto finalmente rematará nos xulgados cun conflito colectivo para reclamar o deixado de pagar pola empresa no ano 2013. En canto ao proceso para o descolgue de Convenio (art.º 82.3 E.T.) que a empresa inicio o pasado 19 de febreiro, e xa pasou o tramite da Comisión paritaria, estamos á espera do que decida a empresa, pois cremos que aínda non teñen moi claro cal é o seguinte paso legal e onde se ten que levar a cabo.

Por outro lado, hoxe reuniuse de novo a Comisión de Interpretación e Vixilancia por solicitude da Empresa para presentar un Plan para despois do vencemento do ERTE (4 de abril). A Representación dos Traballadores (RT) criticou que se convocase á Comisión e non ao Comité de Empresa para presentar o devandito plan. O plan consiste en que a empresa xustificando non realizar un novo ERE a partir do próximo 4 de abril, di necesitar seguir coas internalizacións acordadas durante o ERTE e ademais incorporar a outros dez traballadores, para realizar as internalizacións que xa existentes  e outras novas que se realizaran e informan que os novas incorporacións se fan polo criterio da antigüidade (os menos antigos). E presentan un listado cos nomes dos traballadores afectados e informan que a partir do 4 de abril todos os afectados pola internalización percibirán o salario correspondente á xornada realmente desempeñada. Ademais a Dirección di que necesitarán prolongar as vacacións ata finais de ano nalgún departamento.

A RT solicitou que a Dirección quitase unha nota pedindo voluntarios para a internalización, pois podía haber traballadores interesados en realizar horario de xornada e sería bo dar esa posibilidade, mentres podía haber outros da lista que preferían volver ou seguir no seu posto. A RT solicitou saber cal sería a nova organización nos Departamentos a partir do ERTE e como quedarían os calendarios nos mesmos.

A Dirección informou que debido aos prazos legais establecidos para executar unha Mobilidade enviaría as cartas de preaviso igualmente aos traballadores do listado e despois se había voluntarios realizaríanse os cambios.

O Comité de Empresa reunirase o próximo luns 18 de Marzo para avaliar esta nova situación e tomar as decisións que considere oportunas ao respecto.

Seguiremos Informando.

DESCOLGUE DE CONVENIO

Coa reunión de hoxe rematou o período de consultas sobre a modificación substancial das condicións de traballo e a inaplicación do Convenio. O acordo non foi posible debido ao inmobilismo da Dirección que mantivo a súa postura de non retornar aos traballadores as cantidades deixadas de pagar no ano 2013, aínda tendo beneficios, e non estar dispostos a facer o mesmo aforro en cantidades que non afectasen á conxelación salarial, aínda podendo.

Aparte de isto, a Dirección non quixo comprometerse a levar a cabo os investimentos máis urxentes, algunha delas con subvención xa aprobada. E tampouco quixo comprometerse a non volver propoñer medidas de recortes salariais, como as presentadas nestes procesos, antes do remate do convenio Colectivo en vigor (31 decembro 2014).

Para o próximo luns o Comité de Empresa convocou unha asemblea en horarios de 10:30 e 17:15 horas para informar aos traballadores e traballadoras do tratado nas últimas reunións e para informar tamén dos pasos a dar a partir de agora.

MARCHA FÁBRICA DE ARMAS

SERVICIOS MÍNIMOS

Hoy tuvo lugar a primera hora de la mañana la reunión para fijar los Servicios Mínimos de cara a la huelga a llevar a cabo el 28 de febrero y el 1, 4, 5 y 6 de marzo en horario de 10:30 a 12:30 horas y de 17:10 a 19:10 horas. En la negociación de estos Servicios Mínimos se tuvo en cuenta que la huelga es de una duración distinta a lo habitual y además la situación por las pruebas de interrumpibilidad, cuyos horarios interfieren con los horarios de la huelga. Finalmente se alcanzo el siguiente acuerdo:

Departamento de Electrolisis:

·         4 Polivalentes en función de cubista en Serie 2

·         2 Polivalentes en función de cubista en Serie 1

·         1 Jefe de Turno.

Personal de retén por la interrumpibilidad que estará en las concentraciones:

·         1 Colador (solo en caso de perforación de cuba)

·         3 Polivalentes (en caso de aplicación de interrumpibilidad)

Departamento de Fundición:

·         1 Jefe de Turno.

Personal de retén por perforación de cuba que estará en las concentraciones:

·         1 Polivalente con función de transportista.

 Departamento de Mantenimiento Central:

Personal de retén que estará en las concentraciones:

·         1 Mecánico del ERR.

·         1 Electricista del ERR.

Servicios Generales:

·         1 ATS.

En el horario de huelga no se realizará ningún trabajo de producción, se pararán todos los procesos atendiendo solo los embalajes e incidencias en las cubas de electrolisis.

Después a las 12 de la mañana se celebro una reunión con la Dirección del período de consultas por el descuelgue de Convenio que pretende la empresa. Solo decir que en esta reunión no hubo ningún avance y solo sirvió para reafirmar las posturas de las dos partes.

El próximo 28 de febrero está convocada una nueva reunión para las 14:30 horas.

 

Seguiremos informando.

COMUNICADO DO COMITÉ DE EMPRESA

No día de hoxe o Pleno do Comité de Empresa reunímonos para valorar a proposta de descolgue de Convenio presentada de novo pola Empresa o pasado 19 de febreiro. Este Comité denuncia a falta de integridade mostrada pola Dirección que o pasado 18 de xaneiro se comprometeu a falar do retorno de cantidades e agora non respeta o que firma presentando de novo o proceso de descolgue de Convenio.

O Comité de Empresa estivo e está disposto a chegar a un acordo, pero pola vía de retorna os cartos a os trabadores cando a Empresa entre en beneficios.

Ante a postura da empresa acordouse convocar a todos ós traballadores/as a unha folga cos seguintes horarios:

·      Día 28 de Febreiro de 10:30 a 12:30 e de 17:10 a 19:10.

·      Día 1 de Marzo de 10:30 a 12:30 e de 17:10 a 19:10.

·      Día 4 de Marzo de 10:30 a 12:30 e de 17:10 a 19:10.

·      Día 5 de Marzo de 10:30 a 12:30 e de 17:10 a 19:10.

·      Día 6 de Marzo de 10:30 a 12:30 e de 17:10 a 19:10.

 

Todos os días de folga os traballadores e traballadoras  concentraranse na entrada á empresa nos seguintes horarios:

 

·        28 de Febreiro 2013 de 10:30 a 12:30 e de 17:10 a 17:40 horas

·        1 de Marzo 2013 de 10:30 a 12:30 horas

·        4 de Marzo 2013 de 10:30 a 12:30 e de 17:10 a 17:40 horas

·        5 de Marzo 2013 de 10:30 a 12:30 e de 17:10 a 17:40 horas

·        6 de Marzo 2013 de 10:30 a 12:30 e de 17:10 a 17:40 horas

O Xoves 28 de Febreiro celebrarase Asemblea nas concentracións de mañá e tarde.

Compañeiros e Compañeiras a actitude prepotente e irresponsable da Dirección abocándonos á ruptura do dialogo social e á conflitividade. Ante isto pedímosvos o máximo apoio  non entrar a colaborar máis a la das nosas obrigas, cumprindo escrupulosamente os tempos dos procesos e as normas de seguridade.

DESCOLGUE DE CONVENIO

Tal e como se informou na Asemblea do pasado 15 de febreiro, o período de negociacións asinado coa Dirección para buscar un acordo sobre a redución de custos salariais de cara ao 2013, rematou sen acordo. A empresa negouse dende o primeiro día a non retornar cantidade algunha deixada de percibir polos traballadores durante o ano 2013, a pesar de que esa era unha das garantías asinadas polas dúas partes no acordo para a apertura destas negociacións o pasado 18 de xaneiro.

No día de hoxe a Dirección presento de novo os procesos de inaplicación do Convenio Colectivo (art. 82.3 ET) e a Modificación Sustancial das Condicións de Traballo (art.41 ET), nas seguintes condicións:

·         Conxelación das Táboas Salariais dende o 1 de xaneiro ao 30 de xuño de 2013 en todos os seus conceptos (IPC máis incrementos fixos en primas).

·         Non se pagará a Prima de Resultados 2013 ao persoal PIC nin o bono de desempeño ao persoal PFD (na mesma proporción do 4%).

·         As pagas extraordinarias de xullo e decembro redúcense ao 50% tanto para o persoal PIC coma para o persoal PFD.

Esta nova proposta de "descolgue de Convenio" que formula a empresa de cara ao ano 2013, volve ir por enriba das necesidades de aforro de custos que din ter (1.479.870 euros). O pasado 11 de xaneiro a empresa había presentado un proceso de descolgue aínda de maior impacto:

·         Conxelación das Táboas Salariais de 2013 en todos os seus conceptos (IPC máis incrementos fixos en primas).

·         Non se pagaría a Prima de Resultados 2013 ao persoal PIC.

·         As pagas extraordinarias de xullo e decembro reduciríanse ao 50%.

·         Non se realizarán achegas ao Plan de Pensións no ano 2013.

En ningún dos dous procesos a Dirección di de retornar as cantidades deixadas de pagar en 2013 aos traballadores cando as circunstancias económicas sexan máis favorables para a empresa, é dicir cando teñan beneficios. Isto é o que defende a Representación dos Traballadores, pois cre que é de xustiza devolver nun bo momento os esforzos que se realizan para saír de situacións como as que di ter a empresa. Está claro que a Dirección non busca o acordo neste conflito, pois se non entran á devolver cantidade algunha nun escenario máis favorable. Ademais queda claro o seu talante negociador cando unha vez iniciado este proceso, no que hai negociar de boa fe durante 15 días, a Dirección fixa un calendario con só dúas reunións (25 de febreiro e o 4 de marzo).

Temos que recordar que o actual Convenio Colectivo (2010-2014) foi negociado nun escenario de crise e de malos resultados económicos (parada de produción 2009, inundación Avilés 2010, etc e deslocalización do alambrón).  Nesta negociación o Comité de Empresa defendeu unha proposta de tres anos de vixencia, co cal tocaríanos volver negociar o Convenio Colectivo no 2013 e foi a empresa a que forzou a un acordo final por cinco anos, para agora vir coas rebaixas.

A Dirección pode tratar de defender a legalidade da súa postura amparándose na última reforma laboral. Para nos a proposta da empresa é inmoral e ataca directamente a os que durante un ano estiveron a loitar na rúa por unha regulación da enerxía para que Alcoa siga mantendo o seu boiante negocio do aluminio en España. A proposta realizada pola empresa non garante a viabilidade da Fábrica, máis ben o contrario, xa que non ven rescaldada dunha acción industrial para mellorar os seus custes. A mostra de isto é  que o 3 de Outubro de 2011, asinouse coa Dirección da Coruña un Plan de Competitividade que recollía unha serie de medidas, melloras e investimentos nas instalacións que melloraban os custos da Fábrica. Durante a negociación deste Plan a Representación dos Traballadores conseguiu unha subvención da Xunta de Galicia duns 800.000 euros (setembro 2011) para instalar o Gas Natural na Fundición. O investimento total desta instalación ascendía máis ou menos a 1.000.000 euros estimando a empresa que isto lles daría un aforro anual de 500.000 euros. A día de hoxe este investimento aínda non se levou a cabo e a subvención da Xunta de Galicia vaise aprazando ano tras ano ¿Por qué non a executan si o que buscan de verdade son aforros?

No punto 12 deste Plan de Competitividade a Dirección di textualmente que, "Ante a pregunta da RT de coñecer o aforro que a planta consegue co plan de competitividade presentado e a posición na que quedaría a planta, a RD informa de que todas as medidas incluídas no plan de competitividade (enerxía, materias primas, Fundición, mellores prácticas, contratistas e produtividade) supoñen unha redución aproximada de 99,4$/T. A RD manifesta que se todas estas medidas estivesen xa executadas a día de hoxe, a planta  posicionaríase nunha situación competitiva respecto á planta de Avilés". Segundo o dito pola Dirección, se tivesen aplicado este Plan a planta tería reducido os seus custos de cara ao ano 2013 en 5.000.000 euros.

A empresa fixo unha previsión de cara ao 2013 moi agresiva, para xustificar con iso as medidas presentadas. Estimou un valor de LME 1.900$/Tm (prezo de tonelada de aluminio) que se afasta moito da cotización actual de 2.050$/Tm. Con este valor de LME e unha produción estimada de 69.000 Tm a empresa obtería un diferencial a favor de uns 10.300.000 dólares, que co cambio actual supoñerían case 8.000.000 euros. Polo tanto a empresa non ten neste momento o problema que di ter, e menos, se a estes datos sumamos os altos Premios que teñen na actualidade os Tochos e as Placas e a mellora do prezo da enerxía coa nova regulación da interrumpibilidade.

Por todo isto dende CCOO non podemos aceptar que a empresa non se preste a devolver os cartos que lle quere quitar os traballadores nun momento de bonanza económica.

O próximo xoves 21 de Febreiro o Comité de Empresa reunirase de novo para valorar a situación que formula a Dirección con este novo proceso de "descolgue de Convenio".

 SEGUIREMOS INFORMANDO