ENERXÍA

Hoxe sábado 29 de Decembro, por fin apareceu publicada no BOE a Orde Ministerial (OM) que realizou o Ministerio de Industria, Enerxía e Turismo que regular o servizo de xestión da demanda de interrumpibilidade, a cal fai que os grandes consumidores de enerxía, como a nosa empresa, teñan un prezo final de MWh máis económico con respecto ao mercado ordinario. Cabe destacar que a publicación no BOE realizase unha vez que a Comisión Nacional de Enerxía emitiu ditame favorable o pasado 27 de Decembro, tras revisar o proxecto da OM.

Con este feito ponse punto final a un ano de angustia, sufrimento e loita para conseguir que a enerxía non fose a desculpa de Alcoa para pechar as Fábricas españolas e particularmente a nosa. Este é un éxito de todos, mesmo dos máis derrotistas que xa polo mes de marzo poñían prezo ao peche da Fábrica, querendo fixar indemnizacións por cada traballador. Que doado ían poñerllo a esta empresa para botar o peche.

 

Os traballadores e traballadoras da Fábrica da Coruña de Alcoa loitamos máis que ninguén por esta solución. Realizamos máis dunha trintena de mobilizacións, chamamos a todas as portas posibles buscando unha solución e estivemos nos medios de prensa continuamente mantendo o problema en activo. CCOO sempre creu nunha solución favorable a este conflito e con ese obxectivo traballamos. Sabemos dende o principio que os traballadores iamos ser utilizados pola empresa para conseguir o seu obxectivo, e a verdade non nos importou, porque o obxectivo era conseguir a continuidade da Fábrica e que o custo da enerxía non fose o problema.

A Empresa recentemente vén de propoñer unhas medidas antisociais con redución salarial incluída de cara ao 2013, como menciña aos males endémicos de falta de organización e os investimentos necesarios para a mellor competitividade da nosa Fábrica. Así paga Alcoa a nosa colaboración e implicación na solución do conflito da enerxía. Para CCOO o plan de redución de custos presentado pola Dirección, non é tal, é máis ben un "Plan Ideolóxico" co que pretenden rematar cos dereitos de moitos anos e saltarse os acordos asinados.

 

O 8 de Xaneiro teremos unha reunión coa empresa para tratar este asunto e esperan que propoñamos alternativas.  CCOO tenas  e propoñeraas,  e  esperamos que a empresa nos escoite para saír do pozo onde nos queren meter, pero xa lles avanzamos dende aquí que non  van  na  mesma  dinámica que  as  deles,  polo menos  respetamos todos os acordos asinados, incluído o Convenio Colectivo.

Seguiremos Informando.

 

COBRO DE LOTERIA

O número 39.288 da lotaría de Nadal de CCOO resultou premiado con 6 euros por euro xogado.

A partir do 2 de xaneiro do 2013, poderase cobrar a lotaría premiada en calquera oficina da entidade financeira LA CAIXA.

MESA PLAN 2013 (1ª Reunión)

PLAN 2013 (Aforro de custes)

A Coruña, a 20 de Decembro do 2012.

Hoxe pola tarde realizouse a primeira das reunións da Mesa do Plan 2013. A Dirección fixo un avance dos posibles aforros para o ano 2013 cuantificando só o aforro na parte laboral.
A conxelación salarial do ano 2013 máis a Prima de Resultados con valor cero supoñería un aforro de 916.000 euros. Segundo a Dirección faltarían por reducir 563.000 euros para chegar ao obxectivo do 7% da masa salarial. Para chegar ao 100% de aforro a empresa propón que a Representación dos Traballadores (RT) faga propostas en calquera destes puntos:

·        Non contratacións en 2012-2013.

·        Non achega da empresa ao Fondo de Axuda ata consumir o excedente habido en 2012.

·        Pagar por calendario a partir do 4 de abril 2013 aos internalizados polo ERTE.

·        Axudas sociais.

·        Cantidades aboadas por economato.

·        Traballos especiais.

·        Non devolver o fondo de axuda aínda baixando do 4,8 de índice por enfermidade.

·        Quitar os días de lavado de mans.

·        Achegas á parte de aforro do Fondo de Pensións.

·        Unha Paga extra.

A Dirección aclara que a conxelación salarial do 2013 se levará a cabo con acordo ou sen el, por ser unha decisión imposta dende a Compañía. A preguntas da RT a Dirección informa que, a día de hoxe, no Plan 2013 non se considera a aplicación de ningún ERE a partir do 4 de abril. A RT informa a Dirección de que non está de acordo coa composición desta Comisión e lle comunica a falta de documentación.
A próxima reunión realizarase o 8 de xaneiro.

PLENO DO COMITÉ DE EMPRESA

Hoxe pola mañá reuniuse tamén o Pleno do Comité para valorar o formulado pola empresa para o 2013. Todas as Seccións Sindicais, con excepción de APC que non se pronunciou ao non participar nesta reunión debido a un mal entendido coa convocatoria, coinciden no inmoral das formulacións da empresa despois de que durante o 2012 os traballadores e quen os representamos estivésemos a loitar para conseguir un marco regulatorio da enerxía para a Fábrica.

Coincidimos tamén, en que si a salvación da nosa Fábrica depende de deixar de cobrar un 7% de salario, mal imos. Non esquezamos que os custos laborais globais na nosa empresa son só o 7% de todos os custos, se a iso lle aplicamos un 7% ¿de que cantidade estamos a falar, para unha empresa deste nivel?

Coa reunión de hoxe a Dirección e a RT comezamos unha serie de contactos previos ao inicio oficial de consultas (15 días) que comezarán a partir do 10 de xaneiro, momento en que a empresa solicitará o descolgue do Convenio Colectivo. Neste tempo esperamos recompilar a máxima información e propoñer á empresa un plan alternativo.

Seguiremos informando.

COMISIÓN CENTRAL SEGUIMENTO DO ERTE

  

 

Hoxe pola mañá celebrouse en Guitiriz unha reunión da Comisión Central de Seguimento do ERTE. En primeiro lugar a Dirección fixo unha exposición da evolución dos plans estratéxicos nas dúas plantas (Coruña, Avilés). Destacar sobre este punto que a Dirección informa que a subvención do 2012 para a transformación a Gas Natural na Fundición da Coruña, a Xunta acordou coa empresa poder aplicala no 2013-2014 debido a que aínda non temos pechado o contrato de enerxía para os próximos anos.

O Presidente de Alcoa España José R. Camino por vía telefónica informou que a semana que vén están en disposición de pechar acordos coas empresas eléctricas para a subministración a partir do 1 de xaneiro 2013. Ao mesmo tempo di que nos próximos días esperan ter o visto e prace de Comisión Europea na consulta realizada sobre a Orde Ministerial, sobre a cal son moi optimistas

Na segunda parte da reunión a empresa presentou unha estimación dos resultados económicos para as dúas plantas no 2013. Esta previsión realizárona cun valor de LME medio de 1900$/Tm, un cambio €/$ de 1,26 e o custo da enerxía similar ao do 2012, para unha produción dunhas 61.000 toneladas por planta. Con estes ingredientes os números da empresa  son de 13 millóns de euros negativos por planta.

 

A Dirección di que teñen que buscar o xeito de aforrar uns 7 de millóns de euros por planta durante o ano 2013, para iso propoñen: Reducir servizos compartíndoos entre as dúas plantas, internalizar traballos, eficiencias en enerxía, potenciar a refusión de chatarra nas dúas plantas, aumentar a venda de pasta a terceiros, e reducir os custos salariais sobre a previsión do 2013 un 7%. Esta redución salarial levaríase a cabo (segundo a empresa) conxelando as táboas salariais definitivas do 2012 e deixando de pagar a prima de resultados (pagadoira en febreiro 2014). Se isto non alcanzase para chegar ao 7% de redución propoñen buscar melloras en produtividade.


A empresa quere entaboar unha serie de reunións nas distintas fábricas e pide á Representación dos Traballadores (RT) propostas ao presentado para chegar ao 12 de xaneiro 2013 cun acordo. En caso de non chegar a un acordo din que solicitaran un descolgue do Convenio Colectivo. A RT comunica á Dirección que antes de dicir nada primeiro reuniranse os distintos Comités para dar unha contestación.

 







Comisión Central de Seguimento do ERTE

Despois de máis de dous meses que se pedira dende o Comité de Empresa de Coruña a convocatoria da Comisión Central de Seguimento do ERTE, para tratar varias incidencias. A Dirección enviou hoxe convocatoria para a devandita reunión, a cal levarase a cabo en Asturias o próximo venres 14 de Decembro.

Á reunión asistirán 7 representantes dos traballadores por centro de traballo (Avilés e Coruña), na orde do día a Dirección fixou dous puntos: Seguimento do ERTE e Plan 2013.

De todo o alí falado informaremos o antes posible.

SEGUIMENTO DO E.R.T.E

Hoxe levouse a cabo unha nova reunión da Comisión de Seguimento do E.R.T.E. A reunión foi moi breve e convocouna a Dirección para falar dos calendarios do próximo ano. A Dirección propuxo atrasar a entrega dos calendarios para o próximo ano argumentando que ata o mes de Abril tiñan en aplicación os calendarios realizados para o E.R.T.E, ademais argumentaron que aínda non sabían cal sería o escenario produtivo no 2013, e o realizar uns calendarios como un ano normal podería crear falsas expectativas no persoal.

A Representación de CCOO defendeu que a entrega dos calendarios tiña que realizarse segundo estipulado no Convenio Colectivo e cada traballador ter un calendario de referencia para o próximo ano, e despois si fose necesario realizar calquera cambio veríase no seu momento. A Dirección dixo que realizaría os calendarios segundo o demandado dende a parte social. CCOO recriminoulle á Dirección os últimos cambios realizados nos listados do E.R.T.E no Departamento de Fundición, sen apenas tempo de aviso ao persoal. Ademais pediu explicacións polos cambios realizados de persoal de quendas a xornada no mesmo Departamento, os cales se realizaron sen comunicalo á Comisión. Tamén se reclamou a formación comprometida por este Departamento durante a negociación do E.R.T.E. A Dirección dixo que tomaba nota para que isto non volvese a acontecer e daríase a formación comprometida .

CCOO solicitou o calculo anual de horas de todos os traballadores que participaron na internalización de traballos ou tivesen algún cambio de calendario durante o presente ano e se informase do mesmo, o antes posible, aos propios traballadores. A Dirección dixo que xa estaban informando do axuste de xornada aos traballadores, pero que esa información a ten que dar os Departamentos responsables e non a oficina de persoal.

 

Por último, recordóuselle a Dirección que estaba pedida unha reunión da Comisión Central do E.R.T.E de Madrid, e que aínda non habían contestado e si estaban esperando que a solicitaramos na Inspección de Traballo de Madrid.   

Seguiremos informando.

FOLGA XERAL 14N

Hoxe tivo lugar unha nova reunión sobre os Servizos Mínimos para a Folga Xeral do próximo mércores 14 de Novembro co fin de tratar de chegar a un acordo. A Dirección fixo a seguinte proposta:

Departamento de Electrólises:
4 Polivalentes en función de cubista en Serie 2.
1 Coador en Serie 2 en quenda de mañá.
2 Barristas en Serie 2.
1 Xefe de Quenda.

Departamento de Fundición:
1 Polivalente en quenda de mañá e noite.
3 Polivalentes en quenda de tarde.
1 Xefe de Quenda.

Pastas, Anexos e Captación:
1 Operario de Captación en quenda de mañá e noite.

Mantemento Central:
1 Mecánico do ERR.
1 Electricista do ERR.
Mantéñense todos os servizos de Retén establecidos.

Servizos Xerais:
1 ATS.
Mantéñense todos os servizos de Retén establecidos en Planta.

A Representación dos Traballadores (RT) non aceptou esta nova proposta por entender que era abusiva e estaba feita pensando en realizar traballos de produción ese día, cando a única función que cabe realizar é a de mantemento e seguridade das instalacións. A RT foi moi crítica coa designación de dous Barristas na Serie e de tres Polivalentes na Fundición na quenda de tarde. Asinouse a acta de desacordo e o Comité de Empresa emprenderá a correspondente reclamación xurídica.

FOLGA XERAL14 N
Unha vez máis con motivo dunha xornada de folga temos que saír ao paso dalgúns comentarios que só buscan confundir e distorsionar a verdade. O caso é que alguén na Fábrica estase a dedicar a dicir que os delegados de CCOO botaron permiso sindical para o día da folga e así cobrar o día. Ante isto dicir, unha vez máis, que esta Sección Sindical cóbrese sempre  ante a empresa nos días de folga botando permiso sindical para os seus delegados para evitar que sexan nomeados Servizos Mínimos impedindo así a súa participación nos piquetes informativos, tanto da empresa como externos, pero sempre se acompaña o permiso sindical dunha nota solicitando o desconto da xornada a todos os delegados e sempre se lles descontou a xornada de folga. Mañá poñeremos nos taboleiros da Sección Sindical a nota adxunta ao permiso sindical selada na oficina de persoal o 9 de Novembro.

Dito isto, dende a Sección Sindical de CCOO de Alcoa da Coruña queremos animarvos a que participedes activamente na xornada de folga do próximo mércores 14 de Novembro, esta folga é necesaria e útil fronte a unha crise que se converteu nunha estafa aos cidadáns e cidadás. Únete a nós e participa nos piquetes informativos, se así o decides esperámoste mañá ás dez da noite no Edificio de Sindicatos en Alfonso Molina (detrás de Seat Marineda) alí organizaremos os distintos grupos de Piquetes Informativos. Por último recordarlle a todos/as que a manifestación da folga xeral do 14 de Novembro partirá ás doce da mañá da praza da palloza.

REUNIÓN SEGUIMENTO DO ERTE

Hoxe tivo lugar unha nova reunión da Comisión do Seguimento do E.R.T.E. Nesta ocasión asistiron á reunión pola Representación da Empresa (RE) dous responsables financeiros da Compañía, o Director de Primario España e o responsable de RRHH de Primario España. Pola Representación dos Traballadores (RT) tamén participou a representación da CIG.

Os financeiros da Empresa fixeron unha presentación dos resultados das plantas de Avilés e A Coruña durante o ERTE. Segundo os datos achegados dende a empresa os resultados globais das dúas plantas no terceiro trimestre do ano botan un balance negativo duns 20 Mill/€. Como dato positivo de A Coruña, dicir que a curva de custos mellorou ó partir do segundo trimestre, sendo moito mellores que os da Planta de Avilés. Segundo a empresa, iso púidose deber a que tivemos máis persoal en Regulación de Emprego e tamén a que Avilés tivo máis produción debido á planta de refusión. Sobre os datos económicos pouco máis pódese dicir, máis que nada porque son datos achegados pola empresa e non temos xeito de verificar a súa fiabilidade.

A RE fixo unha presentación do avance dos traballos acordados na Serie 1 durante a súa parada. Cabe destacar que nestes momentos  renováronse os brazos de carga 3 e 4 e o número 2 xa está na Fábrica esperando a súa montaxe. Realizouse tamén o repaso do flexado á 1ª metade da Serie e melloras nos pratos de carga, así como melloras nas velocipédicas, telescópicas, cadros eléctricos, etc. A RT solicitou que tamén se revisasen as canles de achega de alumina dende os centros de captación por considerar que están en moi mal estado.

O Director de Primario en España fixo unha exposición da situación actual, na cal falou da situación actual de negociación da enerxía. Antes quixo aclarar que o Presidente José R. Camiño estivera onte con eles na reunión de Avilés, pois debíalles a visita xa que no mes de Outubro con motivo da visita do Ministro Soria a Galicia estivera na Coruña e San Cibrao e alí non. Dito isto, dixo que o Presidente lle transmitiu o seu agradecemento para os distintos Comités de Empresa e os traballadores pola súa implicación no resultado obtido coa Orde Ministerial (OM).

Esperan que a finais de mes teñan xa o informe da Comisión Nacional Enerxía (CNE) co que só quedará o tramite en Bruxelas, para o cal son moi optimistas debido ao traballo realizado e ao antecedente favorable que teñen de Italia, non hai moito, co mesmo caso. Por iso non queren chamar moito a atención para que non se endureza o control.

A esta reunión esperábase que asistise o responsable de enerxía de Alcoa en España. Non foi posible, segundo o Director de Primario, pois atopábase fisicamente reunido coas empresas enerxéticas negociando o futuro contrato de subministración. Dixo que as negociacións desenrolábanse  sobre OM e ían ben, mesmo había unha empresa enerxética interesada en subministrar as tres plantas a partir do 1 de Xaneiro do 2013.

As previsións que ten a empresa de cara ao ano 2013 son arrancar a Serie parada unha vez rematado o ERTE en Abril. Aínda que xa en Xaneiro teñan que arrancar cubas para alcanzar o tope de consumo de enerxía para cumprir as especificacións da OM como gran consumidor de enerxía. As mesmas previsións din que no 2013 os resultados da Fábrica serán negativos xa que non esperan un valor de LME máis alá de 1900$/Tm. O Director de Primario anticipou que en dúas semanas e media, máis ou menos, convocaran á RT a unha reunión para propoñer unha serie de medidas de aforro de custos para corrixir esa previsión de resultados negativos. Avanzou que algunhas das medidas estarán enfocadas á flexibilidade de plantilla, á masa salarial, internalización e externalización de traballos, incremento da produtividade, etc.
Sobre estas medidas anunciadas pola empresa puidemos saber que na reunión de onte aos compañeiros de Avilés lles anunciaron estas mesmas. Sobre a reunión de hoxe non temos que dicir nada máis, que haberá que saber o que nos formula a empresa e obrar en consecuencia.

Por último informar que o vindeiro luns 12 de Novembro, as 17:30 horas  farase unha Asemblea Extraordinaria para tratar a Folga Xeral do vindeiro 14 de Novembro.

Seguiremos informando.

RESULTADO REFERENDO

Acta Xeral do Refendo

O resultado do referendo celebrado  onte na Fábrica, sobre a conveniencia, ou non, de suspender as mobilizacións temporalmente, foi favorable á suspendelas. No Referendo participaron 159 traballadores do total da plantilla. A participación foi máis ben escasa e nun exercicio democrático como este o desexable é que participe a gran maioría, por non dicir todos, os convocados á consulta nas urnas. Aínda así cabe destacar a gran diferenza resultante no referendo, xa que a opción de suspender temporalmente as mobilizacións obtivo case o triplo de apoio (116 votos) máis que a opción de seguir con elas (40 votos).

Agora toca esperar, con calma tensa, ao informe da Comisión Nacional de Enerxía sobre a proposta de regulación que o Goberno realizo o 11 de Outubro. Alcoa xa está a negociar coas empresas subministradoras de enerxía un contrato no que se fixará o prezo final do Mwh a partir do 31 de Decembro, do presente ano. Data esta na que remata o actual contrato de subministración de enerxía que temos coa empresa Gas Natural Fenosa.

Por último informarvos que, a partir do próximo martes 30 de Outubro (incluído) no local de CCOO (ao lado do Comedor Social), imos empezar unha campaña para repasar as nóminas no período de ERTE e comprobar que se achegou correctamente dende a empresa o complemento ata o 85% do salario bruto.

O horario será: martes e xoves de 12 a 14:30 horas.
A documentación que necesitamos, son: nóminas do período do ERTE, calendario laboral que se tería que realizar e os pagamentos realizados polo Servizo de Emprego Público Estatal (SEPE).

Seguiremos informando.

REUNIÓN CC.OO. CON EL MINISTRO DE ENERGÍA

SECCIÓN SINDICAL INTERCENTROS DE CCOO DE ALCOA

REUNIÓN CC.OO. CON EL MINISTRO DE ENERGÍA



Felipe López S. General de la Federación de Industria de CCOO 



EL lunes día 22 de octubre de 2012 se reunió en el ministerio de industria en Madrid el S.G de CC.OO  Metal. Felipe López  y el S.G  de Intercentros CC.OO. Alcoa  Andoni Saavedra con el Ministro de  Energía y Turismo José Manuel Soria.

En dicha reunión se trato de la importancia de la energía para las empresas Españolas y de los problemas que estas tienen para poder ser competitivas debido al coste de la misma ya que en Europa no hay fuentes energéticas baratas y las que hay tienen muchos impedimentos.



El ministro nos hablo del acuerdo energético para Alcoa y de cómo gracias a él la empresa podrá seguir en España pues los costes energéticos son asumibles. Ya que el ministerio ha accedido a las reivindicaciones de la compañía para abaratar los costes energéticos

Se le preguntó al ministro si se  había pedido a Alcoa garantías de seguir en España ya que temíamos por la situación de nuestras plantas.

Contestó que el presidente de Alcoa Europa le garantizó que no solo se mantendrían todas las plantas, si no que se invertiría en España.



Ejecutiva Sección Sindical Intercentros de CCOO de Alcoa (2010)



También se preguntó si el gasoducto de San Ciprian se iba a poner en marcha; respondiendo que se ha dado orden de seguir para adelante con el proyecto y realizarlo cuanto antes.

Desde CC.OO. vemos positiva las palabras del Ministro pero exigimos no ya palabras de los responsables de Alcoa si no compromisos de mantenimiento del empleo e inversiones en las Fábricas que despeje  toda duda de su continuidad.

                                                          Madrid 21 de Marzo de 2012.



Sección Sindical Intercentros de CCOO de Alcoa

 

Más noticias sobre este reunión...

 

http://www.lne.es/aviles/2012/10/23/ugt-cc-oo-aplauden-pacto-electrico-esperan-aplique-pais/1315694.html

 

http://www.industria.ccoo.es/yoindustria/menu.do?INICIO:416011

 

http://www.finanzas.com/noticias/empleo/20121022/soria-compromete-analizar-sector-1584453.html

 

 

DEMASIADA POLÍTICA !!!!



Folla de rexístro da Orde Ministerial

CCOO cree que no momento en que nos atopamos as mobilizacións tal como as tiñamos plantexadas non aportan nada novo e poden virar o apoio da cidadanía en contra nós, porque a mensaxe que teñen e que temos unha solución aportada polo Goberno e nos medios saíu que á empresa lle valía o regulado na Orden Ministerial (OM). Por iso creemos nestes momentos o mellor é parar e buscar entre todos outra maneira de seguir coas nosas reivindicacións.

As demais Fábricas de Alcoa desconvocaron as mobilizacións despois da reunión co Presidente de Alcoa España. Dende a Coruña non imos conseguir adiantar os prazos previstos na regulación da tarifa eléctrica, a cal vai ser para todos igual. Si lle vale a Alcoa para seguir producindo, a nós deberíanos de valer igual que lle vale os demais.




Comunicado do Presidente José Ramón Camino

O Presidente de Alcoa dixo, que a regulación recollida na OM aseguraba a permanencia das tres fábricas de Alcoa en España, aínda que como sempre, estaríamos expostos ao complexo mercado do aluminio. Dende a semana pasada xa empezaron a confirmar pedidos para o próximo ano, algo que non estaban a facer. Tamén dixo, que as mobilizacións levadas a cabo foran moi importantes no avance para conseguir unha regulación de tarifa eléctrica competitiva e que a OM que se había enviado á Comisión Nacional de Enerxía (CNE) era un paso importantísimo. Pero cansouse tamén de dicir, que as mobilizacións nestes momentos eran prexudiciais para os intereses da empresa, que se estaba chamando moito a atención e ao noso carro estábanse sumando outras empresas, algunhas non son grandes consumidores de  enerxía. E aínda lles queda por negociar coas eléctricas un contrato de suministro, onde tiñan que sacar o mellor acordo posíbel.

Despois dun tempo máis o menos ben, dende o sábado pasado a onte, houbo un gran cambio nos compañeiros do Comité de Empresa da UGT e a CIG. O sábado despois da reunión con Feijoo no mitin, pasan de estar de acordo en desconvocar o día seguinte a asistencia ó mitin de Rajoy na Coruña e cambiar as mobilizacións de sentido ó entender que dende o PP estiveran a facer o posible pola Fábrica, a querer seguir coas mobilizacións cando todos as Fábricas as desconvocaron.

Cartel electoral do PSdeG en Alfonso Molina

Entendemos que están a atender máis ao xogo que lle marcan os seus maiores nos seus respectivos partidos políticos que mirar polo ben da Fábrica. Queren aproveitar os últimos días de campaña electoral e as mobilizacións que tiñamos previstas para utilizar aos traballadores e traballadoras para arañar un puñado de votos. Nós non seguimos a ninguén, somos completamente independentes politicamente, válennos todos os que queiran axudar e sóbrannos todos os demais. 

Por último dicir, que a CCOO non lle fai falta ningún apoio para tomar as decisións que consideramos apropiadas, o noso obxectivo dende sempre é a viabilidade da Fábrica e sempre estivemos e estaremos o fronte desa loita, e non nos importa que na foto final agora queiran aparecer os de sempre, pero hai cousas que non imos a pasar por alto. En nove meses non nos paramos a dar resposta a ningunha provocación por entender que era o mellor na loita pola Fábrica. Seguiremos a loitar da mesma maneira e ca mesma determinación, pero xa non permaneceremos máis tempo calados e defenderémonos. Ata aquí chegamos.

COMUNICADO DO COMITÉ DE EMPRESA

SÁBADO DE MÍTINES:

Onte sábado foi un día moi intenso en canto a contactos coas distintas forzas políticas para buscar apoios na loita pola viabilidade da Fábrica. A xornada empezou pasadas as dez da mañá cando unha representación do Comité de Empresa (un por Sección Sindical) se entrevistou co Secretario Xeral de Esquerda Unida, Cayo Lara, na Coruña. Seguidamente deuse unha roda de prensa na que Cayo Lara dixo que esperaba que o anunciado por Feijoo sobre unha orde ministerial non fose unha cortina de fume polas eleccións, e que o luns dirixiríase ao Ministro de enerxía e turismo para esixirlle que diga antes das eleccións cal é o compromiso do Goberno con Alcoa.

Ver noticias sobre isto…

http://www.europapress.es/galicia/noticia-lara-cree-si-cotizaran-bolsa-palabras-feijoo-tendrian-valor-bono-basura-20121013181318.html

http://ccaa.elpais.com/ccaa/2012/10/13/galicia/1350155410_710422.html

http://www.farodevigo.es/galicia/2012/10/13/lara-palabras-feijoo-cotizasen-bolsa-serian-bono-basura/695941.html

Mentres isto sucedía, outra parte do Comité de Empresa e un grupo de traballadores concentrábanse diante do edificio de Expocoruña onde o PSdeG daba un mitin con Pachi Vázquez e Alfredo Rubalcaba. Os dirixentes Socialistas achegáronse a saudar aos traballadores alí concentrados (pancarta incluída) preguntándolles si había novidades e  coñecían as condicións da orde ministerial que o Goberno dicía asinar. Os traballadores dixeron que a única información que tiñan  era a que saía nos medios de comunicación e que nin a Alcoa estaba a pronunciarse neste sentido e xa o botaban de menos.

Minutos máis tarde incorporáronse á concentración a parte do Comité de Empresa que se reuniu con Cayo Lara e seguidamente unha representación do Comité de Empresa mantivo unha reunión cos responsables do Partido Socialista antes do mitin. Na reunión os responsables políticos mostraron todo o seu apoio aos traballadores de Alcoa da Coruña e dixeron que farían todo o posible para que o Goberno aclarase as  condicións desa orde ministerial e pedirían a súa publicación, non fose ser un engano máis da campaña electoral do Partido Popular.

Ver noticias sobre isto…

http://www.expansion.com/2012/10/13/economia/politica/1350138985.html?a=88789aac63d071260a89cde47625c396&t=1350229090

http://www.laopinioncoruna.es/galicia/2012/10/13/rubalcaba-pachi-vazquez-reunen-trabajadores-alcoa/654757.html?utm_source=rss

http://www.lavozdegalicia.es/noticia/elecciones-gallegas-2012/2012/10/13/rubalcaba-feijoo-busca-puesto-madrid-obedece-rajoy/0003_20121020121013142100617.html  

http://www.diariovasco.com/agencias/20121013/mas-actualidad/politica/psdeg-vazquez-pide-electorado-cale_201210131537.html

 Pola tarde, sobre as cinco e media traballadores de Alcoa da Coruña e o Comité de Empresa concentráronse diante do Praia Club para dirixirse logo ao Pabellón dos Deportes onde daba un mitin o Partido Popular con Feijoo á cabeza. Unha vez alí, os traballadores foron informados de que o Presidente da Xunta, o Alcalde da Coruña e outros dirixentes do Partido Popular reuniríanse cunha representación do Comité de Empresa ao terminar o mitin, isto sucedeu sobre as nove da noite.

Ata entón e mentres durou a reunión, os traballadores estiveron fóra do recinto coa pancarta gritando consignas para unha solución definitiva para Alcoa. Ao saír da reunión os Representantes dos Traballadores informaron que o Presidente da Xunta díxolles que non entendía porque o perseguían nos mitins, que desde a Xunta fixeran todo o posible para que Alcoa mantivese as súas fábricas en Galicia, incluso parando a pechadura da Planta da Coruña en decembro 2011. E que a orde ministerial que se realizou desde o Goberno recollía as necesidades dos grandes consumidores de electricidade.

O Comité de Empresa e os traballadores alí presentes valoraron as palabras de Feijoo e decidiron que o vindeiro luns pedirían un pronunciamento da empresa.

Seguiremos informando.

TARIFA ELÉCTRICA

Dende onte a media mañá as noticias correron rapidamente en torno a unha solución sobre a tarifa eléctrica para grandes consumidores como Alcoa. Dende o Goberno e a Xunta de Galicia, anunciouse que o Ministro de Enerxía e turismo, José Manuel Soria, asinara unha orde ministerial nese sentido e que esta se remitiría ao Consello Nacional da Enerxía para o seu ditame.

Ata onde nós puidemos saber, a Dirección da Fábrica da Coruña, comunico onte pola tarde esta nova situación aos máximos responsables das dúas centrais sindicais maioritarias na Fábrica (CCOO Y UGT). A Dirección comunicou que Alcoa España non se pronunciaría mentres a orde ministerial non fose publicada, ao mesmo tempo, pediu moderación aos responsables sindicais nos pasos a dar nos próximos días para non entorpecer o acordo final.

Dende a Sección Sindical de CCOO de Alcoa da Coruña valoramos positivamente que o Ministro cursase esta orde Ministerial para grandes consumidores de enerxía e tratar de resolver así os problemas enerxéticos da nosa Fábrica, pero despois de máis de 9 meses de incerteza, de sufrimento, e de loita necesitamos algo máis. Necesitamos saber que é o que recolle esa orde ministerial, pero sobre todo necesitamos, que Alcoa saia a certificar esa solución enerxética e diga que con a regulación de tarifa que recolle a orde ministerial, Alcoa manterá todas e cada unha das plantas que ten na España. Da mesma maneira que fixo este verán o Presidente de Alcoa en España dicindo que se non tiñan unha tarifa eléctrica competitiva se irían de País.

Neste mesmo momento en que se publica este artigo, pouco cambiaron as cousas para esta Sección Sindical e temos que seguir mantendo a tensión, poida que nas próximas horas isto cambie e se publique a orde ministerial e Alcoa faga algún comunicado certificando a súa continuidade en España.

Dende o Comité de Empresa de Alcoa da Coruña solicitouse unha reunión do Pleno do Comité de Empresa coa Dirección da Coruña e a unha reunión da Comisión Central de Madrid coa Dirección de Alcoa España para que informen da situación, dicir que nestes momentos non hai ningunha confirmada.

RECORDÁMOSVOS QUE MAÑÁ SÁBADO “RUBALCABA” DARÁ UN MITÍN EN EXPOCORUÑA (DETRÁS DO COLISEO)ÁS 12:00 HORAS

Seguiremos informando.

ULTIMAS NOTICIAS

Unha representación do Comité de Empresa composta polo Presidente e membros de todas as Seccións Sindicais mantivo hoxe unha reunión con dirixentes do BNG na súa sede da Coruña. Por parte do BNG participaron na reunión a candidata número 2 do BNG pola Coruña, Ana Pontón, a candidata número 3 pola Coruña, Ana Luísa Bouza, e o candidato Suso Bermello.

Os dirixentes do BNG mostraron todo o seu apoio aos representantes dos traballadores alí presentes e animáronos a continuar coa loita para evitar o peche da Factoría coruñesa.

Á saída da reunión os representantes dos traballadores acordaron trasladar ao próximo Luns día 15, a concentración prevista para mañá venres ao coincidir esta en festivo. Polo tanto, a concentración levarase a cabo diante da Fábrica o próximo luns día 15 de Outubro, de 13:30 a 14:30 horas.

Recordarvos tamén que o próximo xoves 18 de Outubro, dentro do calendario de mobilizacións acordadas en Asemblea de Traballadores, realizarase unha manifestación ás 17:30 horas dende a Fábrica pasando pola rotonda dos irmáns Arias, a rotonda do Marineda City e volta á Fábrica.

Seguiremos informando....